'കാ​ട്ടു​പോ​ത്തി​ന് വോ​ട്ട​വ​കാ​ശ​മി​ല്ലെ​ന്ന് ജ​ന​പ്ര​തി​നി​ധി​ക​ൾ മ​റ​ക്ക​രു​ത്'; രൂക്ഷ വിമർശനവുമായി ബിഷപ് ജോസ് പുളിക്കൽ

 

കട്ടപ്പന: മ​ല​യോ​ര മേ​ഖ​ല​ക​ളി​ലെ വ​ന്യ​ജീ​വി ആ​ക്ര​മ​ണ വി​ഷ​യ​ത്തി​ൽ സർക്കാരിനും വനംവകുപ്പിനുമെതിരെ ആഞ്ഞടിച്ച് കാഞ്ഞിരപ്പള്ളി രൂപത മെത്രാൻ മാര്‍ ജോസ് പുളിക്കൽ. കണമലയിലെ കാട്ടുപോത്തിന്റെ ആക്രമണം ഒറ്റപ്പെട്ട സംഭവമാക്കാന്‍ വനംവകുപ്പ് ശ്രമിക്കുന്നുവെന്ന് അദ്ദേഹം ആരോപിച്ചു. ഇതുമായി ബന്ധപ്പെട്ട് നിയമ ഭേദഗതി അത്യാവശ്യമാണ്. കാട്ടുപോത്തിന് വോട്ടവകാശം ഇല്ലെന്ന് സർക്കാരും ബന്ധപ്പെവരും മറക്കരുത്. കാട്ടുപോത്ത് നിയമസഭയിലോ പാർട്ടി ഓഫിസിലോ കയറിയാൽ നോക്കി നിൽക്കുമോ എന്നും മാര്‍ ജോസ് പുളിക്കൽ കട്ടപ്പനയിൽ ചോദിച്ചു.

ജ​ന​പ്ര​തി​നി​ധി​ക​ളെ നി​യ​മ​സ​ഭ​യി​ലേ​ക്ക് തെ​ര​ഞ്ഞെ​ടു​ത്ത് വി​ട്ട​ത് വ​ന്യ​ജീ​വി​ക​ള​ല്ല. ക​ഴി​ഞ്ഞ ദി​വ​സം കാ​ട്ടു​പോ​ത്തി​ന്‍റെ ആ​ക്ര​മ​ണ​ത്തി​ൽ ക​ർ​ഷ​ക​ർ മ​രി​ച്ച​ത് ബ​ഫ​ർ സോ​ണി​ലാ​ണെ​ന്ന് മ​റ​ക്ക​രു​ത്. കാ​ട്ടു​പോ​ത്ത് പാർട്ടി ഓഫീസിലോ നിയമസഭയിലോ കയറിയിരുന്നെങ്കിൽ പെ​ട്ട​ന്ന് തീ​രു​മാ​നം ഉ​ണ്ടാ​യി​രു​ന്നേ​നെ.

അ​ന്യാ​യ​മാ​യി ക​ർ​ഷ​ക​രെ കൊ​ന്നൊ​ടു​ക്കാ​ൻ കൂ​ട്ട് നി​ൽ​ക്കു​ന്ന വ​ന​പാ​ല​ക​ർ​ക്കെ​തി​രെ ശ​ക്ത​മാ​യി പ്ര​തി​ക​രി​ക്കും. ക​ർ​ഷ​ക​രെ എ​ച്ചി​ൽ കൊ​ടു​ത്ത് ഇ​റ​ക്കി​വി​ടു​ന്ന വ​നം​വ​കു​പ്പി​ന് കൂ​ട​ചൂ​ടാ​ൻ ത​ങ്ങ​ളി​ല്ല. റീ​ബി​ല്‍​ഡ് കേ​ര​ള പ​ദ്ധ​തി​യോ​ടു ചേ​ര്‍​ത്ത് 15 ല​ക്ഷം രൂ​പ കൊ​ടു​ത്ത് വീ​ടും സ്വ​ത്തു​വ​ക​ളും മേ​ടി​ച്ച് വ​നം​വ​കു​പ്പ് പ​ല നാ​ടു​ക​ളി​ല്‍ നി​ന്ന് ക​ര്‍​ഷ​ക​രെ കു​ടി​യി​റ​ക്കാ​ന്‍ ശ്ര​മി​ക്കു​ന്നു​ണ്ട്.

വ​നം​വ​ന്യ​ജീ​വി വ​കു​പ്പ് പു​റ​ത്തു​വി​ട്ട ക​ണ​ക്കു​പ്ര​കാ​രം ക​ഴി​ഞ്ഞ ആ​റു വ​ര്‍​ഷ​ങ്ങ​ള്‍​ക്കി​ടെ 735 പേ​രാ​ണ് കേ​ര​ള​ത്തി​ല്‍ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട​ത്. 2021 ജൂ​ണ്‍ മു​ത​ല്‍ ഡി​സം​ബ​ര്‍ 22 വ​രെ​യു​ള്ള കു​റ​ഞ്ഞ​നാ​ള്‍​കൊ​ണ്ട് 123 പേ​ര്‍ കൊ​ല്ല​പ്പെ​ട്ടു.

വ​ന്യ​ജീ​വി​ക​ള്‍ നാ​ട്ടി​ലേ​ക്കി​റ​ങ്ങി​വ​ന്ന് സാ​ധാ​ര​ണ​ക്കാ​രെ കൊ​ല​പ്പെ​ടു​ത്തി​യ സം​ഭ​വ​ത്തി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ക്കാ​ന്‍ വ​നം​വ​കു​പ്പോ സ​ര്‍​ക്കാ​രോ രാ​ഷ്ട്രീ​യ​ക്കാ​രോ ത​യാ​റാ​കു​മോ. ക​ര്‍​ഷ​ക​രു​ടെ ര​ക്ഷ​യാ​ണ് ഇ​ന്‍​ഫാ​മി​ന്‍റെ രാ​ഷ്ട്രീ​യ​മെ​ന്നും ദൂ​ര​വ്യാ​പ​ക പ്ര​ത്യാ​ഘാ​ത​ങ്ങ​ള്‍ പ്ര​തീ​ക്ഷി​ക്കാ​വു​ന്ന ശ​ക്ത​മാ​യ മു​ന്നേ​റ്റ​ങ്ങ​ളു​ടെ തു​ട​ക്ക​മാ​ണ് ഈ ​സ​മ്മേ​ള​ന​മെ​ന്നും മാ​ർ ജോ​സ് പു​ളി​ക്ക​ൽ വ്യ​ക്ത​മാ​ക്കി.

ഈ മാസം 19 നായിരുന്നു ജനവാസമേഖലയിലിറങ്ങിയ കാട്ടുപോത്ത് രണ്ടു പേരെ കൊലപ്പെടുത്തിയത്. കണമല സ്വദേശി പുറത്തേൽ ചാക്കോ (65), തോമസ് (60) എന്നിവരാണ് മരിച്ചത്. ഗുരുതരമായി പരിക്കേറ്റ് ചികിത്സയിലിരിക്കേയായിരുന്നു തോമസിന്റെ മരണം.

എന്നാല്‍ കാട്ടുപോത്തിന് നായാട്ടുസംഘത്തിന്റെ വെടിയേറ്റിരുന്നെന്നായിരുന്നു വനംവകുപ്പിന്റെ വാദം. ഇത് കാഞ്ഞിരപ്പള്ളി രൂപതയും നാട്ടുകാരും തള്ളിയിരുന്നു. കാട്ടുപോത്ത് ആക്രമണത്തിൽ വനംവകുപ്പിനെതിരെ പ്രതിഷേധം ശക്തമായതിന് പിന്നാലെയാണ് നായാട്ടുസംഘം വേട്ടയാടിയെന്ന വനംവകുപ്പിന്റെ വാദം.

പോത്തിനെ വെടിവെച്ചവരെ ഉടൻ പിടികൂടുമെന്നും ഇവർക്കെതിരെ കൊലപാതക പ്രേരണ കുറ്റം ചുമത്തുമെന്നുമാണ് വനംവകുപ്പ് ഉദ്യോഗസ്ഥർ പറഞ്ഞിരുന്നു.