×

മസാല ബോണ്ട് കേസ്: തോമസ് ഐസക് നല്‍കിയ ഹര്‍ജിയിന്മേൽ ഇഡിക്ക് നോട്ടീസ് അയച്ചു ഹൈക്കോടതി

google news
Zh
കൊച്ചി : മസാല ബോണ്ട് കേസില്‍ ഇഡി സമൻസ് ചോദ്യം ചെയ്ത് മുൻ ധനമന്ത്രി തോമസ് ഐസക് നല്‍കിയ ഹർജിയില്‍ ഇഡിക്ക് ഹൈക്കോടതി നോട്ടീസ്. അടുത്ത വെള്ളിയാഴ്ചയ്ക്കുള്ളില്‍ നോട്ടീസിന് മറുപടി നില്‍കണമെന്നാണ് നിര്‍ദ്ദേശം. ഹർജി അടുത്ത വെള്ളിയാഴ്ച കോടതി വീണ്ടും പരിഗണിക്കും.
   
മസാല ബോണ്ട് കേസില്‍ ഇഡി നടപടിക്കെതിരെ മന്ത്രി തോമസ് ഐസകും കിഫ്ബി സിഇഒ കെ.എം എബ്രഹാമുമമാണ് ഹൈക്കോടതിയെ സമീപിച്ചത്. നിയമവിരുദ്ധവും ഏകപക്ഷീയവുമായ സമൻസ് അയച്ച്‌ ഇഡി വേട്ടയാടുകയാണെന്നും സിംഗിള്‍ ബ‌ഞ്ച് നേരത്തെ ഇറക്കിയ ഉത്തരവിന് വിരുദ്ധമാണ് സമൻസ് എന്നുമാണ് ഇരുവരുടെയും വാദം. എന്നാല്‍ ആവശ്യപ്പെട്ട വിവരങ്ങള്‍ കിഫ്ബി നല്‍കുന്നില്ലെന്നും അന്വേഷണവുമായി സഹകരിക്കുന്നില്ലെന്നുമാണ് ഇഡി കോടതിയെ അറിയിച്ചിട്ടുള്ളത്.