നിപ ഭീതി ഒഴിയുന്നു; 15 പേരുടെ ഫലം കൂടി നെഗറ്റീവ്

veena jeorge

കോഴിക്കോട്​: നിപ സമ്പർക്ക പട്ടികയിലെ 15 പേരുടെ ഫലം കൂടി നെഗറ്റീവായതായി ആരോഗ്യമന്ത്രി. കോഴിക്കോട് മെഡിക്കൽ കോളജിലെ ലാബിൽ നടത്തിയ പരിശോധനാ ഫലമാണ് പുറത്തു വന്നത്.ഇതോടെ പരിശോധന ഫലം നെഗറ്റീവായവരുടെ എണ്ണം 61 ആയി ഉയർന്നു. കൂടുതൽ പേരുടെ സാമ്പിളുകൾ ഇന്ന്​ പരിശോധിക്കുമെന്ന്​ അധികൃതർ അറിയിച്ചു. നിപ പ്രാഥമിക സമ്പർക്കപട്ടികയിൽ ഉൾപ്പെട്ട 36 പേരുടെ പരിശോധനഫലം കഴിഞ്ഞ ദിവസം നെഗറ്റീവായിരുന്നു.

നിപ സമ്പർക്ക പട്ടികയിൽ നിലവിൽ 265 പേരാണുള്ളത്​. ഇതിൽ 62 പേർ കോഴിക്കോട്​ മെഡിക്കൽ കോളജിലാണ്​ നിരീക്ഷണത്തിലുള്ളത്​. മറ്റ്​ ജില്ലകളിൽ 47 പേർ നിരീക്ഷണത്തിലുണ്ടെന്നും ആരോഗ്യമന്ത്രി വീണ ജോർജ്​ അറിയിച്ചിരുന്നു.