ബൈക്ക് യാത്രികനെ ഇടിച്ചു തെറിപ്പിച്ച് പൊലീസുകാരന്റെ കാര്‍; നിർത്താതെ പോയി, പരാതി നൽകിയിട്ടും നടപടിയില്ല
May 21, 2023, 08:43 IST
കൊച്ചി: പൊലീസ് ഉദ്യോഗസ്ഥന്‍ സഞ്ചരിച്ച കാര്‍ ബൈക്ക് യാത്രികനെ ഇടിച്ചുതെറിപ്പിച്ച ശേഷം നിര്‍ത്താതെ പോയതായി പരാതി. കഴിഞ്ഞ ദിവസം രാത്രി എറണാകുളം ഹാര്‍ബര്‍ പാലത്തില്‍ വച്ചാണ് സംഭവം. അപകടത്തിൽ ഗുരുതരമായി പരിക്കേറ്റ
ചുള്ളിക്കല്‍ സ്വദേശി വിമൽ ചികിത്സയിലാണ്.
ശരീരമാസകലം പരിക്കേറ്റു ഗുരുതരാവസ്ഥയിലായ വിമലിനെ നാട്ടുകാരാണ് ആശുപത്രിയില്‍ എത്തിച്ചത്. വിമല്‍ തോപ്പുംപടി പൊലീസില്‍ പരാതി നല്‍കിയെങ്കിലും നടപടിയൊന്നുമായിട്ടില്ല.
ഗുരുതരമായി പരുക്കേറ്റ ബൈക്ക് യാത്രികനെ ശ്രദ്ധിക്കുകപോലും ചെയ്യാതെ പാഞ്ഞുപോയ കാര്‍ രണ്ടു കിലോമീറ്ററിനപ്പുറം ആളൊഴിഞ്ഞ സ്ഥലത്താണ് നിര്‍ത്തിയത്. ബൈക്കിലെത്തിയ രണ്ടുപേര്‍ കാറിലുണ്ടായിരുന്നവരെ അപകടവിവരം ധരിപ്പിച്ചപ്പോള്‍ തട്ടിക്കയറുകയും ചെയ്തു.
Tags
