ഐഎസ്എല്ലില്‍ ഇന്ന് ചെന്നൈയിന്‍ എഫ്‌സി-ഹൈദരാബാദ് എഫ്‌സി പോരാട്ടം

z
 

പനാജി: ഐഎസ്എല്ലില്‍(Hero ISL 2021-22) ഇന്ന് ചെന്നൈയിന്‍ എഫ്‌സി-ഹൈദരാബാദ് എഫ്‌സി(Hyderabad Fc vs Chennaiyin Fc) പോരാട്ടം. സീസണിലാദ്യമായാണ് രണ്ട് തെക്കേ ഇന്ത്യന്‍ ടീമുകള്‍ നേര്‍ക്കുനേര്‍ എത്തുന്നത്. കഴിഞ്ഞ സീസണിൽ ഹൈദരാബാദ്(Hyderabad Fc) അഞ്ചാമതും ചെന്നൈയിന്‍(Chennaiyin Fc) എട്ടാം സ്ഥാനത്തുമാണ് ഫിനിഷ് ചെയ്തത്. പരിക്കേറ്റ സൂപ്പര്‍ താരം റാഫേല്‍ ക്രിവെല്ലാറോയുടെ(Rafael Crivellaro) അഭാവം ചെന്നൈയിന് തിരിച്ചടിയാകും.

പുതിയ കോച്ച് ബോസിദാർ ബാൻഡോവിച്ചിന്‍റേയും പുതിയ നായകൻ അനിരുദ്ധ് ഥാപ്പയുടെയും കീഴിലാണ് ചെന്നൈയിൻ ഇറങ്ങുന്നത്. വ്ലാഡിമിൽ കോമാൻ, ലൂക്കാസ് ഗികീവിക്‌സ്, മി‍ർലാൻ മുർസേവ് തുടങ്ങിയ വിദേശ താരങ്ങളിലാണ് രണ്ട് തവണ ചാമ്പ്യൻമാരായ ചെന്നൈയിന്‍റെ പ്രതീക്ഷ.