നോര്‍ഡ് സിഇ 2 5ജിയും പുതിയ ടിവികളും ഇന്ത്യയിൽ ഇന്നിറങ്ങും; സവിശേഷതകൾ അറിയാം..

വണ്‍പ്ലസ് നോര്‍ഡ് സിഇ 2 5ജി ഇന്ന് വണ്‍പ്ലസ് ഇന്ത്യയില്‍‍ പുറത്തിറക്കും. ഫെബ്രുവരി 17 വ്യാഴാഴ്ച വൈകീട്ട് 7 മണിക്കാണ് വെര്‍ച്വലായി ചടങ്ങ് നടക്കുക. വണ്‍പ്ലസ് ഇന്ത്യ യൂട്യൂബ് ചാനലിലൂടെ ഇത് കാണാം. ഫോണ്‍ പുറത്തിറങ്ങുന്നതിന് മുന്നോടിയായി തന്നെ ഫോണിന്‍റെ വിലയും പ്രത്യേകതകളും അടക്കം പുറത്തുവന്നിട്ടുണ്ട്. 25,000 രൂപയ്ക്ക് താഴെ രണ്ട് സ്റ്റോറേജ് ഓപ്ഷനുകളില്‍ നോര്‍ഡ് സിഇ 2 5ജി  എത്തുമെന്നാണ് വിവരങ്ങൾ ലഭിക്കുന്നത്. ടിപ്പ്സ്റ്റെറായ അഭിഷേക് യാദവ് ആണ് ഫോണിന്‍റെ വില വിവരങ്ങള്‍ പുറത്തുവിട്ടത്.

6ജിബി റാം+ 128 ജിബി ഇന്‍റേണല്‍ സ്റ്റോറേജ് പതിപ്പും, 8ജിബി റാം+ 128ജിബി ഇന്‍റേണല്‍ മെമ്മറി പതിപ്പുമാണ് ഈ ഫോണിന് ഉണ്ടാകുക. ഇതിന് യഥാക്രമം 23,999 രൂപ, 24,999 രൂപ വിലവരും എന്നാണ് പുറത്തുവരുന്ന വാര്‍ത്തകള്‍ പറയുന്നത്. 

6.4 ഇഞ്ച് ഫുള്‍ എച്ച്ഡി പ്ലസ് എഎംഒഎല്‍ഇഡി സ്ക്രീന്‍ ആണ് ഈ ഫോണിന് ഉള്ളത്. സ്ക്രീന്‍ റീഫ്രഷ് റൈറ്റ് 90 Hz ആയിരിക്കും. എച്ച്ഡിആര്‍ 10+ സപ്പോര്‍ട്ടും ഈ സ്ക്രീന്‍ നല്‍കും. മീഡിയടെക് ഡൈമന്‍സിറ്റി 900 എസ്ഒസി ചിപ്പാണ് ഇതില്‍ പ്രതീക്ഷിക്കുന്നത്. ആന്‍ഡ്രോയ്ഡ് 11ലായിരിക്കും ഈ ഫോണ്‍ പ്രവര്‍ത്തിക്കുക എന്നാണ് സൂചനകൾ ലഭിക്കുന്നത്.