മോട്ടോറോളയുടെ പുതിയ ഫ്ലാഗ്ഷിപ് എത്തുന്നു
Jan 28, 2022, 13:10 IST
ന്യൂഡല്‍ഹി: മോട്ടറോളയുടെ പുതിയ ഫ്‌ളാഗ്ഷിപ്പ് ഫോണ്‍ എത്തുന്നതായി റിപ്പോര്‍ട്ട്. പുതിയ മോട്ടറോള ഫോണ്‍ അറിയപ്പെടുന്നത് 'ഫ്രോണ്ടിയര്‍ 22' എന്ന കോഡ് നാമത്തിലാണ്.മോട്ടറോള അവസാനമായി പുറത്തിറക്കിയ മുന്‍നിര മോഡല്‍ എഡ്ജ് പ്ലസ് ആയിരുന്നു. ഇത് 2020ലാണ് പുറത്തിറങ്ങിയത്. പുതിയ ഫോണ്‍ 2022 ജൂലൈയില്‍ ആയിരിക്കുംപുറത്തിറങ്ങുക.
ഫോണിന്റെ എതിരാളികള്‍ സാംസങ്, ആപ്പിള്‍ എന്നിവയായിരിക്കും. പുതിയ മോട്ടറോള ഫ്രോണ്ടിയറിന്റെ മുന്‍വശത്ത് 6.67 ഇഞ്ച് ഡിസ്‌പ്ലേയായിരിക്കും ഉണ്ടാകുക. ഇത് പിഒഎല്‍ഇഡി സാങ്കേതികവിദ്യയില്‍ നിര്‍മ്മിച്ച ഒരു മാട്രിക്സ് ആണ്. റെസല്യൂഷന്‍ ഫുള്‍ എച്ച്‌ഡിയാണ്, ഒപ്പം 144 ഹെര്‍ട്‌സിന്റെ റിഫ്രഷ് റേറ്റുമുണ്ട്. ഫോണില്‍ 8ജിബി അല്ലെങ്കില്‍ 12ജിബി റാമിനൊപ്പം 128ജിബി, 256 ജിബി ഇന്റേണല്‍ എന്നിവയ്‌ക്കൊപ്പം ജോടിയാക്കിയ ഒരു ക്വാല്‍കോം സ്നാപ്ഡ്രാഗണ്‍ ചിപ്‌സെറ്റും ഉണ്ടായിരിക്കും.
മോട്ടറോള ഫ്രോണ്ടിയറിന്റെ ബാറ്ററി ശേഷി റിപ്പോര്‍ട്ടില്‍ ലിസ്റ്റ് ചെയ്തിട്ടില്ലെങ്കിലും, ടൈപ്പ്-സി പോര്‍ട്ട് വഴി 125 വാട്സ് വരെ ചാര്‍ജ് ചെയ്യുമെന്നും വയര്‍ലെസ് ആയി 50 വാട്സ് വരെ ചാര്‍ജ് ചെയ്യുമെന്നും പറയപ്പെടുന്നു. മോട്ടറോള ഫ്രോണ്ടിയര്‍ ആന്‍ഡ്രോയിഡ് 12 ഒഎസില്‍ പ്രവര്‍ത്തിക്കാന്‍ സാധ്യതയുണ്ട്.
Tags
