മോട്ടോറോളയുടെ പുതിയ ടാബ് ജി70 ;കിടലൻ ഫീച്ചറുകൾ

മോട്ടോ ടാബ് ജി 20യെ അപേക്ഷിച്ച്‌ വലിയ സ്‌ക്രീനും ബാറ്ററിയും ഇതിനുണ്ട്. 11 ഇഞ്ച് അമോലെഡ് ഡിസ്‌പ്ലെ, മീഡിയടെക് ഹീലിയോ ജി90ടി പ്രോസസര്‍, ക്വാഡ് സ്പീക്കറുകള്‍ എന്നിവയുമായാണ് ടാബ്ലെറ്റ് ഇറങ്ങിയിരിക്കുന്നത്. ഈ ടാബ് ഫോണ്‍ കോളിംഗിനും ഉപയോഗിക്കാം. കോളജ് വിദ്യാര്‍ഥികള്‍ക്കും മാറ്റുമായാണ് ജി20 ഇറക്കിയതെങ്കില്‍ ഇത് ഒരു പ്രീമിയം മോഡലാണ്.

4 ജിബി റാമും 64 ജിബി സ്റ്റോറേജുമുള്ള മീഡിയടെക് ഹീലിയോ ജി 90 ടി SoC ആണ് ഇതിലുള്ളത്. മൈക്രോ എസ്ഡി കാര്‍ഡ് ഉപയോഗിച്ച്‌ ഇത് വികസിപ്പിക്കാന്‍ കഴിയും.ടാബ്ലെറ്റില്‍ ഉള്ള ഒരു ഫോര്‍-പോയിന്റ് പോഗോ പിന്‍ ഉപയോഗിച്ച്‌ ടാബ്ലെറ്റ് ഒരു കീബോര്‍ഡുമായി ബന്ധിപ്പിക്കാന്‍ കഴിയും. മോട്ടോ ടാബ് ജി70 ഡോള്‍ബി ഓഡിയോ പിന്തുണയോടെയാണ് വരുന്നത്.

മോട്ടോ ടാബ് ജി70-ല്‍ 13 മെഗാപിക്സല്‍ പിന്‍ ക്യാമറയും എല്‍ഇഡി ഫ്‌ലാഷ്ലൈറ്റും ഉള്‍പ്പെടുന്ന ഒരൊറ്റ ക്യാമറ സെന്‍സര്‍ പിന്‍ഭാഗത്ത് അവതരിപ്പിക്കുന്നു. സെല്‍ഫി ക്യാമറ 8 മെഗാപിക്‌സല്‍ ആണ്.2,000x1,200 പിക്‌സല്‍ റെസല്യൂഷനുള്ള 400 നിറ്റ് പീക്ക് തെളിച്ചമുള്ള 11 ഇഞ്ച് 2k ഡിസ്‌പ്ലേയാണ് മോട്ടോ ടാബ് ജി70.