സമൂഹമാധ്യമങ്ങളില്‍ ചാരവല നെയ്യാന്‍ പൊലീസ്
തിരുവനന്തപുരം: കത്തുന്ന പ്രശ്‌നങ്ങളുടെ കനല്‍ത്തരി തുടക്കത്തില്‍ത്തന്നെ കണ്ടെത്തി അവസാനിപ്പിക്കാനും സൈബറിടത്തു നടക്കുന്ന കുറ്റകൃത്യങ്ങളുടെ ആസൂത്രണം ട്രാക്ക് ചെയ്യാനും സംസ്ഥാന പൊലീസ് ഇന്റലിജന്‍സില്‍ പുതിയ വിഭാഗം വരുന്നു.
ഫീല്‍ഡില്‍ നിന്നു പൊലീസുദ്യോഗസ്ഥര്‍ രഹസ്യമായി വിവരം ശേഖരിക്കുന്ന പരമ്പരാഗത രീതി കൊണ്ട് ഇനി രക്ഷയില്ലെന്നു വന്നതോടെയാണ് പൊലീസ് ‘സൈബര്‍ ഇന്റലിജന്‍സ് വിഭാഗം’ രൂപീകരിക്കുന്നത്.
ഇതിനായുള്ള ശുപാര്‍ശ ആഭ്യന്തരവകുപ്പിന് പൊലീസ് കൈമാറി. ഇതിന് ആവശ്യമുള്ള 4 ഉപകരണങ്ങളില്‍ രണ്ടെണ്ണം ഇസ്രയേല്‍ ഉള്‍പ്പെടെ രാജ്യങ്ങളില്‍ നിന്നു വാങ്ങും. രണ്ടെണ്ണം കേരള പൊലീസ് വിസകിപ്പിക്കണം. സാങ്കേതികവിഭാഗം എസ്പിയുടെ തസ്തികയും ഇന്റലിജന്‍സിലേക്ക് ഉള്‍പ്പെടുത്തി കൂടുതല്‍ വിപുലമായ സൈബര്‍ ശൃംഖല രൂപീകരിക്കും.
read more ഹൃദയാഘാതം: സംവിധായകൻ സിദ്ധിഖ് ആശുപത്രിയിൽ
മറ്റു സംസ്ഥാനങ്ങളില്‍ ഈയിടെ നടന്ന പല കലാപങ്ങളുടെയും സംഘര്‍ഷങ്ങളുടെയും തുടക്കം സോഷ്യല്‍ മീഡിയയിലെ ചില ഹാഷ്ടാഗ് ക്യാംപെയ്‌നുകളുടെ ചുവടുപിടിച്ചായിരുന്നു. ഇതില്‍ പലതും തുടക്കമിട്ടത് വിദേശരാജ്യങ്ങളില്‍ നിന്നായിരുന്നു.
തമിഴ്‌നാട്ടില്‍ നടന്ന ചില കലാപ നീക്കങ്ങള്‍ക്ക് ശ്രീലങ്കയില്‍ ഇരുന്നാണ് സോഷ്യല്‍മീഡിയ ഓപ്പറേഷന്‍സ് നടന്നതെന്നും കേന്ദ്ര ഏജന്‍സികളുടെ റിപ്പോര്‍ട്ട് സംസ്ഥാന ഇന്റലിജന്‍സ് വിഭാഗത്തിനും കൈമാറിയിരുന്നു. സര്‍ക്കാരിന്റെ ചില തീരുമാനങ്ങളും ചില പ്രദേശങ്ങളിലെ ചെറിയ പ്രശ്‌നങ്ങള്‍ പോലും സൈബറിടങ്ങളില്‍ തെറ്റായി ചിത്രീകരിച്ച് സംഘര്‍ഷങ്ങള്‍ക്കുള്ള തിരി കൊളുത്തുന്നതിനും സോഷ്യല്‍മീഡിയ ഉപയോഗിക്കുന്നു. തീവ്രവാദ പ്രവര്‍ത്തനം, ലഹരി കടത്ത് തുടങ്ങിയവയ്ക്കും സൈബര്‍ മേഖലയെ ദുരുപയോഗിക്കുന്നുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads- ൽ Join ചെയ്യാം
Tags
