മറ്റ് ആരോഗ്യ പ്രശ്നങ്ങള്‍ ഇല്ലെങ്കില്‍ രാവിലെ ഒരു ഗ്ലാസ് വെള്ളത്തില്‍ അല്പം തേന്‍ ചേര്‍ത്ത് കഴിക്കാം. ഇത് ക്ഷീണം, തളര്‍ച്ച എന്നിവ അകറ്റും
നല്ലൊരു എനര്‍ജി ബൂസ്റ്റര്‍ ആണ് തേന്‍. തേനിലെ ഫ്രക്ടോസും ഗ്ലൂക്കോസും ആണ് ഊര്‍ജം പ്രദാനം ചെയ്യുന്നത്. രാവിലെ അല്പം തേന്‍ കഴിക്കുന്നത് കുട്ടികള്‍ക്കും മുതിര്‍ന്നവര്‍ക്കും നല്ലതാണ്. ഒരു വയസ്സിന് തഴെയുള്ള കുട്ടികള്‍ക്ക് തേന്‍ നല്‍കരുത്.
ഒരു ഗ്ലാസ് ചൂടുപാലില്‍ അല്പം തേന്‍ ചേര്‍ത്ത് കുടിക്കുന്നത് നല്ല ഉറക്കം നല്‍കും. ഒരു സ്പൂണ്‍ തേനും ഒരു സ്പൂണ്‍ ഇഞ്ചിനീരും അല്പം നാരങ്ങയുടെ നീരും ചേര്‍ത്തു കുടിക്കുന്നത് ആരോഗ്യത്തിനും വയറിനും നല്ലതാണ്.
അമിതമായി തേന്‍ കഴിക്കുന്നത് രക്തത്തിലെ ഗ്ലൂക്കോസ് അളവ് കൂടാന്‍ കാരണമാകും. അതിനാല്‍ പ്രമേഹരോഗികള്‍ ഡോക്ടറുടെ നിര്‍ദേശ പ്രകാരം മാത്രമേ ഉപയോഗിക്കാവൂ.