'പോളണ്ടിലെ മിസൈല്‍ ആക്രമണത്തെ കുറിച്ച് മൗനം പാലിക്കണം'; സഖ്യകക്ഷികളോട് അമേരിക്ക

jeo biden
 

ന്യൂയോര്‍ക്ക്‌: പോളണ്ടിലെ മിസൈല്‍ ആക്രമണത്തെ കുറിച്ച് മൗനം പാലിക്കണമെന്ന് സഖ്യകക്ഷികളോട് നിര്‍ദേശിച്ച് അമേരിക്ക. അന്വേഷണം പൂര്‍ത്തിയാകുന്നത് വരെ പോളണ്ടിലെ സംഭവത്തെ കുറിച്ച് പ്രസ്താവനകള്‍ നടത്തരുതെന്നാണ് യൂറോപ്യന്‍ സഖ്യകക്ഷികളോട് യുഎസ് മുന്നറിയിപ്പ് നല്‍കി. പ്രസ്താവനകള്‍ നടത്തുമ്പോള്‍ സംയമനം പാലിക്കണമെന്നുമാണ് നിര്‍ദേശം. 

റഷ്യന്‍ മിസൈല്‍ തടുക്കാനായി യുക്രൈന്‍ അയച്ച മിസൈല്‍ മാറി പോളണ്ടിലെത്തിച്ചേര്‍ന്നതാണെന്ന് അമേരിക്കന്‍ ഉന്നത ഉദ്യോഗസ്ഥര്‍ പറഞ്ഞതായി അന്താരാഷ്ട്ര വാര്‍ത്താ ഏജന്‍സിയായ അസോസിയേറ്റഡ് പ്രസ് റിപ്പോര്‍ട്ട് ചെയ്തിരുന്നു.

അതേസമയം, മിസൈല്‍ ആക്രമണത്തിന് പിന്നില്‍ റഷ്യയാണെന്നാണ് യുക്രൈന്‍ പറയുന്നത്. സംഭവത്തില്‍ തങ്ങള്‍ക്ക് പങ്കില്ലെന്നാണ് ആദ്യം തന്നെ റഷ്യന്‍ പ്രതിരോധ മന്ത്രാലയത്തിന്റെ പ്രതികരണം. സ്‌ഫോടന സ്ഥലത്തുനിന്ന് കണ്ടെടുത്ത അവശിഷ്ടങ്ങള്‍ റഷ്യന്‍ ഫയര്‍ പവറുമായി ബന്ധപ്പെട്ടവയല്ലെന്നും പ്രതിരോധമന്ത്രാലയം വ്യക്തമാക്കിയിരുന്നു.  
 
എന്നാല്‍ യുക്രൈന്‍ സൈന്യം വിട്ട മിസൈലാണ് പോളണ്ടില്‍ പതിച്ചതെന്ന പ്രാഥമിക വിലയിരുത്തലിലാണ് പോളണ്ട്. പോളിഷ് പ്രസിഡന്റ് ആന്‍ഡ്രെജ് ദുഡെയാണ് ഇക്കാര്യത്തില്‍ പ്രതികരണം നടത്തിയത്.