അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലഹോർ : പാക്കിസ്ഥാനിലെ പ്രധാന നഗരങ്ങളിലൊന്നായ ലഹോർ കേന്ദ്രീകരിച്ച് പ്രവർത്തിച്ചിരുന്ന കുപ്രസിദ്ധ അധോലോക നേതാവ് അമീർ ബാലാജ് ടിപ്പു വെടിയേറ്റു മരിച്ചു. ചുങ് മേഖലയിൽ ഒരു വിവാഹച്ചടങ്ങിൽ പങ്കെടുക്കുന്നതിനിടെയാണ് അമീറിനു വെടിയേറ്റത്. അമീറിന്റെ അംഗരക്ഷകർ നടത്തിയ പ്രത്യാക്രമണത്തിൽ അക്രമിയും കൊല്ലപ്പെട്ടു. ഇയാളെ തിരിച്ചറിഞ്ഞിട്ടില്ല. ലഹോർ ആസ്ഥാനമായുള്ള വൻകിട ചരക്ക് ഗതാഗത ശൃംഖലയുടെ ഉടമ കൂടിയാണ് അമീർ.
വിവാഹച്ചടങ്ങിനിടെ അപ്രതീക്ഷിതമായാണ് ആക്രമണമുണ്ടായതെന്ന് പാക്ക് മാധ്യമമായ ‘ദ് ഡോൺ’ റിപ്പോർട്ട് ചെയ്തു. അമീറിനും ഒപ്പമുണ്ടായിരുന്ന രണ്ടുപേർക്കും നേരെയായിരുന്നു വെടിവയ്പ്. ഉടൻതന്നെ അമീറിനെ ലഹോറിലെ ജിന്ന ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അമീറിന്റെ മരണവാർത്ത പുറത്തായതോടെ അയാളുടെ അനുയായികൾ അലറിക്കരഞ്ഞും മുദ്രാവാക്യം വിളിച്ചും ആശുപത്രിപരിസരത്തു തടിച്ചുകൂടിയിരുന്നു.
Read more :
- അമിത് ഷാക്കെതിരായ അപകീര്‍ത്തികരമായ പരാമര്‍ശത്തിൽ രാഹുൽ നാളെ കോടതിയില്‍ ഹാജരാകും
- അഴിമതിക്കടലിൽ കരിമണൽ : നീതി തേടി കുടുംബങ്ങൾ
- ഇലക്ടറൽ ബോണ്ട് റദ്ദാക്കിയ വിധിയിൽ സുപ്രീം കോടതിയെ പരിഹസിച്ച് മോദി
- ടി പി ചന്ദ്രശേഖരന്‍ വധക്കേസ് പ്രതികള്‍ക്ക് തിരിച്ചടി; പ്രതികളുടെ ശിക്ഷ ശരിവച്ചു; രണ്ടുപേരെ വെറുതെവിട്ടത് റദ്ദാക്കി
അമീറിന്റെ പിതാവ് ആരിഫ് അമീർ എന്ന ടിപ്പു ട്രക്കൻവാലയും എതിരാളികളുടെ ആക്രമണത്തിലാണ് കൊല്ലപ്പെട്ടത്. 2010ൽ അലാമ ഇഖ്ബാൽ വിമാനത്താവളത്തിൽ വച്ചായിരുന്നു ആ ആക്രമണം. അമീറിന്റെ മുത്തച്ഛനും ഇത്തരത്തിൽ കൊല്ലപ്പെടുകയായിരുന്നു.
