അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വലിയ പ്രേക്ഷകശ്രദ്ധനേടിയ പാന്‍ ഇന്ത്യന്‍ ചിത്രമായിരുന്നു ക്യൂബ്‌സ് എന്‍റർടെയ്ൻമെന്‍റ്സിന്‍റെ ബാനറിൽ ഷെരീഫ് മുഹമ്മദ് നിർമ്മിച്ച് ഹനീഫ് അദേനി തിരക്കഥയെഴുതി സംവിധാനം ചെയ്ത ഉണ്ണി മുകുന്ദൻ നായകനായ സൂപ്പർ ഹിറ്റ് ചിത്രം മാർക്കോ. മലയാളത്തില്‍ വന്നതില്‍ വച്ച് ഏറ്റവും വയലന്‍റായ ചിത്രത്തിന് കേരളത്തിന് അകത്തും പുറത്തും വലിയ സ്വീകാര്യതയാണ് ലഭിച്ചിരുന്നത്. എന്നാൽ ഇപ്പോഴിതാ മാര്‍ക്കോയ്ക്ക് രണ്ടാം ഭാഗമുണ്ടാവില്ലെന്ന് അറിയിച്ചിരിക്കുകയാണ് നടന്‍ ഉണ്ണി മുകുന്ദന്‍.
ബോഡി ട്രാന്‍സ്‌ഫോര്‍മേഷന്റെ പല ഘട്ടങ്ങളുള്ള ഒരു റീല്‍ ഉണ്ണി മുകുന്ദന്‍ ഇന്‍സ്റ്റഗ്രാമില്‍ പങ്കുവെച്ചിരുന്നു. ഇതിന് താഴെ വന്ന തന്റെ ഹിന്ദി ആരാധകന്റെ കമെന്റിന് മറുപടി നൽകുകയായിരുന്നു ഉണ്ണി. ‘മാര്‍ക്കോ 2 എപ്പോള്‍ വരും’ എന്നായിരുന്നു ആരാധകന്റെ ചോദ്യം. അതിന് മറുപടിയായി ‘ക്ഷമിക്കണം, മാര്‍ക്കോ സീരീസുമായി മുന്നോട്ട് പോകാനുള്ള പദ്ധതി ഞാന്‍ ഉപേക്ഷിച്ചിരിക്കുന്നു. പ്രൊജക്റ്റിനെ ചുറ്റി വളരെയധികം നെഗറ്റിവിറ്റി ഉണ്ട്. ‘മാര്‍ക്കോ’യെക്കാള്‍ വലുതും മികച്ചതുമായ എന്തെങ്കിലും കൊണ്ടുവരാന്‍ ഞാന്‍ പരമാവധി ശ്രമിക്കും. എല്ലാ സ്‌നേഹത്തിനും പോസിറ്റിവിറ്റിക്കും നന്ദി.’ ഉണ്ണി മുകുന്ദൻ പറഞ്ഞു.
നേരത്തെ മാര്‍ക്കോയുടെ തുടര്‍ച്ച അതിനേക്കാള്‍ വലിയ കാന്‍വാസില്‍ വരുമെന്ന് ചിത്രത്തിന്റെ അണിയറപ്രവർത്തകർ പറഞ്ഞിരുന്നു. 100 കോടി ക്ലബ്ബില്‍ കയറിയ ചിത്രം മലയാളത്തിലെ ഏറ്റവും വയലന്‍സ് നിറഞ്ഞ ചിത്രം എന്ന വിശേഷണത്തോടെയായിരുന്നു തീയേറ്ററുകളില്‍ എത്തിയത്.
STORY HIGHLIGHT: marco part 2 unni mukundan responds to fan
