കുറെ കാലം അച്ചാർ സൂക്ഷിക്കാൻ അത്രെ എളുപ്പമല്ല.മിക്കപ്പോഴും പൂപ്പൽ വന്ന് ഉപയോഗശൂന്യമാകും,ഇതിന് പിന്നിൽ ചില കാരണങ്ങളുണ്ട്.
അച്ചാർ ഇടാനെടുക്കുന്ന മാങ്ങ ,നാരങ്ങ ,നെല്ലിക്ക,വെളുത്തുള്ളി തുടങ്ങി ഏത് തരം അച്ചാർ ആയാലും അവ ആദ്യം നന്നായി കഴുകി വൃത്തിയാക്കണം.
അതിനു ശേഷം ഇവ കഷ്ണങ്ങളാക്കി വെയിൽ കൊള്ളിച്ചു ഈർപ്പം മുഴുവൻ അകറ്റുന്നതാണ് നല്ലത്.
അച്ചാർ ഉണ്ടാക്കാൻ എടുക്കുന്ന മസാലപ്പൊടികൾ അൽപ്പം എണ്ണ ഉപയോഗിച്ച് വറുക്കുന്നത് പൂപ്പൽ വരാതിരിക്കാൻ സഹായിക്കും.
അച്ചാർ ഇട്ടു വെക്കുന്ന പാത്രം ഈർപ്പമില്ലാത്തതും വെയിലത്തു ഉണ്ടാക്കിയതും ആയിരിക്കണം.ചൂടുവെള്ളം കൊണ്ട് കഴുകിയ ശേഷമാണ് ഉണക്കേണ്ടത്.
അച്ചാർ കോരിയെടുക്കാൻ ഉപയോഗിക്കുന്ന സ്പൂണിലും ഈർപ്പം ഉണ്ടാകാൻ പാടില്ല.മെറ്റൽ സ്പൂണിനേക്കാൾ പ്‌ളാസ്റ്റിക് സ്പൂണുകൾ ആണ് നല്ലത്.
അച്ചാർ ഇട്ട് വക്കാൻ വായ് വട്ടം കൂടിയ ജാറുകൾ ആണ് നല്ലത് കുപ്പി നിറയും വിധം അച്ചാർ ഇട്ട് വയ്ക്കുന്നത് വായു ഉള്ളിൽ കടക്കുന്നത് ഒഴിവാക്കും.
മെറ്റൽ അടപ്പുള്ള ജാറുകളിൽ അച്ചാർ ഇട്ട് വെക്കരുത് ,മെറ്റൽ അടപ്പിൽ വിനാഗിരിയുടെ അംശം ചേരുമ്പോൾ രാസപ്രവർത്തനം ഉണ്ടായി അച്ചാർ കേടാകും.
ഒട്ടും നനവില്ലാത്ത സൂര്യപ്രകാശം അധികം ഏൽക്കാത്ത സ്ഥലത്തായിരിക്കണം അച്ചാർ സൂക്ഷിക്കേണ്ടത്.
കുറെ കാലത്തേക്ക് അച്ചാർ ഒന്നിച്ചു തായ്യാറാക്കുകയാണെങ്കിൽ കുറച്ചെടുത്തു ചെറിയ ഒരു കുപ്പിയിലേക്ക് മാറ്റി സൂക്ഷിക്കണം
ഇടയ്ക്കിടെ അച്ചാർ സൂക്ഷിക്കുന്ന ജാർ തുറക്കുന്നത് വായു കടന്നു അച്ചാർ പെട്ടെന്നു കേടാകുന്നതിനു ഇടയാകും.