വഴുതനങ്ങ കറി തയാറാക്കുന്ന വിധം

ചേരുവകൾ

വഴുതനങ്ങ – 500 ഗ്രാം
മഞ്ഞൾപ്പൊടി – 2 ടേബിൾ സ്പൂൺ
പുളി – 50 ഗ്രാം
കല്ലുപ്പ് – ആവശ്യത്തിന്
വറ്റൽ മുളക് – 4 എണ്ണം
കടുക് – 20 ഗ്രാം

വഴുതനങ്ങ നന്നായി തിരുമ്മി കഴുകി ചൊന എല്ലാം കളഞ്ഞ് വയ്ക്കുക. അടുപ്പിൽ പാത്രം വച്ച് ചൂടായി വരുമ്പോൾ വെളിച്ചെണ്ണയും മുളകും ചേർത്ത് വഴുതനങ്ങ നന്നായി വഴറ്റിയെടുക്കുക. നന്നായി മൂത്ത് വരുമ്പോൾ വാളൻ പുളിയും അതിലേക്ക് പിഴിഞ്ഞ് ഒഴിക്കുക. എടുത്തു വച്ചിരിക്കുന്ന 2 ടേബിൾ സ്പൂൺ ഉപ്പും ചേർക്കുക. പാകത്തിലുള്ള വേവിൽ എത്തുമ്പോൾ കടുകും മുളകും കറിവേപ്പിലയും വറുത്തിടുക. പാത്രം വാങ്ങി വച്ച ശേഷം ഉലുവയും മുളകും ചേർത്ത് വറുത്ത് പൊടിച്ചു വച്ചതും കൂടി ചേർക്കാം.