അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോഷ്യൽ മീഡിയ ഇൻഫ്ലുവൻസറും മോഡലുമായ സാൻ റേച്ചലിനെ(26) ആത്മഹത്യ ചെയ്ത നിലയിൽ കണ്ടെത്തി. ചലച്ചിത്ര – വിനോദ മേഖലയിലെ വർണ വിവേചനത്തിനെതിരെ ധീരമായ നിലപാടുകളിലൂടെ ശ്രദ്ധ നേടിയ താരമായിരുന്നു സാൻ. അടുത്തിടെയാണ് താരം വിവാഹിതയായത്. അതേസമയം ധാരാളം ഗുളികകൾ താൻ കഴിച്ചതായി സാൻ റേച്ചൽ പറഞ്ഞതായി പൊലീസ് വൃത്തങ്ങൾ അറിയിച്ചു.
ആദ്യം സർക്കാർ ആശുപത്രിയിലാണ് സാനിനെ പ്രവേശിപ്പിച്ചത്. പിന്നീട് സ്വകാര്യ ആശുപത്രിയിലേക്ക് മാറ്റിയിരുന്നുവെങ്കിലും ഒടുവിൽ ജവഹർലാൽ ഇൻസ്റ്റിറ്റ്യൂട്ട് ഓഫ് പോസ്റ്റ് ഗ്രാജുവേറ്റ് മെഡിക്കൽ എഡ്യൂക്കേഷൻ ആൻഡ് റിസർച്ചിൽ വെച്ച് മരണം സംഭവിക്കുകയായിരുന്നു. സാമ്പത്തിക ബാധ്യതയും വ്യക്തിപരമായ സമ്മർദ്ദവുമാണ് സാനിനെ ആത്മഹത്യയിലേക്ക് നയിച്ചതെന്നാണ് പൊലീസിന്റെ നിഗമനം. തന്റെ ആവശ്യങ്ങൾക്ക് പണം കണ്ടെത്താൻ സാൻ സമീപ മാസങ്ങളിൽ ആഭരണങ്ങൾ പണയം വയ്ക്കുകയും വിൽക്കുകയും ചെയ്തിരുന്നു. പിതാവിൽ നിന്നു സാമ്പത്തിക സഹായം പ്രതീക്ഷിച്ചിരുന്നതായും റിപ്പോർട്ടുണ്ട്. എന്നാൽ അദ്ദേഹം സഹായിക്കാൻ തയ്യാറായില്ല.
തന്റെ മരണത്തിന് ആരും ഉത്തരവാദികളല്ലെന്നാണ് പൊലീസ് കണ്ടെടുത്ത ആത്മഹത്യ കുറിപ്പിൽ സാൻ എഴുതിയിരിക്കുന്നത്. എന്നാൽ അടുത്തിടെ നടന്ന വിവാഹത്തിൽ എന്തെങ്കിലും ദാമ്പത്യ പ്രശ്‌നങ്ങൾ നേരിട്ടിരുന്നോ എന്ന കാര്യം വ്യക്തമല്ല. ഇക്കാര്യവും പൊലീസ് അന്വേഷിക്കുന്നുണ്ട്.
content highlight: San Rachel
