അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചേരുവകള്‍
മത്തി- ഒരു കിലോ
ചെറിയ ഉള്ളി – 20 എണ്ണം
സവാള – 1/2
തക്കാളി – 2
കറിവേപ്പില – നാല് തണ്ട്
വെളുത്തുള്ളി – ഏഴെണ്ണം
ഇഞ്ചി – ഒരു ചെറിയ കഷണം
പച്ച മുളക് – നാലെണ്ണം
വെളിച്ചെണ്ണ – മൂന്ന് ടേബിള്‍ സ്പൂണ്‍ മല്ലിപ്പൊടി 2 1/2 ടീസ്പൂണ്‍
മല്ലിപ്പൊടി – രണ്ടര ടീസ്പൂണ്‍
മുളകുപൊടി – ഒന്നര ടീസ്പൂണ്‍
മഞ്ഞള്‍പ്പൊടി – ഒരു ടീസ്പൂണ്‍
കുരുമുളകുപൊടി – രണ്ട് ടീസ്പൂണ്‍
തയ്യാറാക്കുന്ന വിധം
മത്തി നന്നായി കഴുകിയതിനുശേഷം അര ടീസ്പൂണ്‍ മഞ്ഞള്‍പൊടിയും, അര ടീസ്പൂണ്‍ ഉപ്പും, കുറച്ചു കറിവേപ്പിലയും ഒരു ടീസ്പൂണ്‍ കുരുമുളക് പൊടിയും ചേര്‍ത്ത് നന്നായി പുരട്ടിവയ്ക്കുക.
ഒരു പാന്‍ അടുപ്പില്‍ വച്ച് രണ്ട് ടേബിള്‍സ്പൂണ്‍ വെളിച്ചെണ്ണ ഒഴിച്ച് മീന്‍ എല്ലാം തിരിച്ചും മറിച്ചും ഇട്ട് ചെറുതായി വറുത്തെടുക്കുക.
ഇതേ എണ്ണയിലേക്ക് തന്നെ 10 ചെറിയ ഉള്ളി അരിഞ്ഞതും ഒരു ചെറിയ കഷണം ഇഞ്ചിയും മൂന്ന് വെളുത്തുള്ളിയും ചേര്‍ത്ത് നന്നായി വഴറ്റിയെടുക്കുക.
ഇതിലേക്ക് രണ്ടര ടീസ്പൂണ്‍ മല്ലിപ്പൊടിയും അര ടീസ്പൂണ്‍ മഞ്ഞള്‍പ്പൊടിയും ഒന്നര ടീസ്പൂണ്‍ മുളകുപൊടിയും 1 ടീസ്പൂണ്‍ കുരുമുളകുപൊടിയും ചേര്‍ത്ത് നന്നായി വഴറ്റുക.
ഇതിലേക്ക് തക്കാളി അരിഞ്ഞു ചേര്‍ത്ത് വഴന്നു കഴിഞ്ഞാല്‍ തീ ഓഫ് ചെയ്തു വയ്ക്കാം.
ശേഷം ചൂടാറുമ്പോള്‍ മിക്‌സിയുടെ ചെറിയ ജാറിലിട്ട് നന്നായി അരച്ചെടുക്കുക.
ഒരു തേങ്ങ ചിരവി, ഒന്നാം പാലും, രണ്ടാം പാലും മൂന്നാം പാലും എടുക്കുക.
ഒരു മീന്‍ ചട്ടി അടുപ്പില്‍ വച്ച് ഒരു ടേബിള്‍ സ്പൂണ്‍ വെളിച്ചെണ്ണ ഒഴിച്ചു കൊടുത്തു കാല്‍ ടീസ്പൂണ്‍ ഉലുവ ഇട്ടു കൊടുക്കാം.
ഇതിലേക്ക് അരിഞ്ഞുവച്ച ചെറിയ ഉള്ളി ഒരു കപ്പ് ഇട്ടുകൊടുക്കുക
അതിലേക്ക് രണ്ട് ടേബിള്‍ സ്പൂണ്‍ ഇഞ്ചി അരിഞ്ഞതും, രണ്ട് ടേബിള്‍ സ്പൂണ്‍ വെളുത്തുള്ളി അരിഞ്ഞതും, നാല് പച്ചമുളക് കീറിയതും, കറിവേപ്പിലയും ചേര്‍ത്ത് വഴറ്റിയെടുക്കുക.
ഇതിലേക്ക് ഒരു തക്കാളി അരിഞ്ഞതും കൂടെ ചേര്‍ത്തു കൊടുക്കാം.
വഴന്നു കഴിയുമ്പോള്‍ അരച്ചുവച്ച അരപ്പ് ചേര്‍ത്തു കൊടുത്തതിനു ശേഷം ഒന്ന് വഴറ്റി കൊടുക്കുക.
ശേഷം രണ്ടാംപാലും മൂന്നാം പാലും കൂടെ ചേര്‍ത്ത് 2 1/2 കപ്പ് തേങ്ങാപ്പാല്‍ ഒഴിച്ച് കൊടുക്കാം.
നന്നായി തിളച്ചു കഴിഞ്ഞാല്‍ നമ്മള്‍ നേരത്തെ വറുത്തുവച്ച മീന്‍ ഇട്ട് കൊടുക്കാം.
ഇതിന്റെ മുകളിലേക്ക് സ്ലൈസ് ചെയ്തു വച്ച ടൊമാറ്റോയും ഒന്നാം പാലും കൂടി ചേര്‍ക്കുക.
ശേഷം ഫ്‌ലെയിം ഓഫ് ചെയ്യാം. ഇതിലേക്ക് കുറച്ചു കറിവേപ്പിലയും പച്ചവെളിച്ചെണ്ണയും ഒഴിച്ച് അടച്ചു വയ്ക്കാം.
