ചായയ്‌ക്കൊപ്പം കഴിക്കാന്‍ ക്രിസ്പിയും സ്‌പൈസിയുമായ കിടിലന്‍ ബീഫ് വട വെറും പത്ത് മിനുട്ടിനുള്ളില്‍ തയ്യാറാക്കിയാലോ ?
ചേരുവകൾ
ബീഫ് എല്ലില്ലാത്തത് – കാല്‍ കിലോ
കടലപ്പരിപ്പ്- 50 ഗ്രാം
ചെറുപയര്‍ പരിപ്പ്- 50 ഗ്രാം
സവാള- ഒന്ന്
ഗരം മസാല- ഒന്നര സ്പൂണ്‍
മഞ്ഞള്‍പ്പൊടി- അര സ്പൂണ്‍
പെരുംജീരകം- ഒരു സ്പൂണ്‍
ഇഞ്ചി, വെളുത്തുള്ളി പേസ്റ്റ്- രണ്ടര സ്പൂണ്‍
ഉണക്കമുളക്- അഞ്ചെണ്ണം
പച്ചമുളക്- മൂന്നെണ്ണം
കറിവേപ്പില, മല്ലിയില- ആവശ്യത്തിന്
തയ്യാറാക്കുന്ന വിധം
കടലപ്പരിപ്പും ചെറുപയര്‍ പരിപ്പും രണ്ടു മണിക്കൂര്‍ വെള്ളത്തില്‍ കുതിര്‍ക്കുക. ഉണക്കമുളകും അതിനൊപ്പം കുതിര്‍ത്തുവെക്കുക. ഇവ വെള്ളം കളഞ്ഞ് മാറ്റിവെക്കണം. ബീഫ്, മഞ്ഞള്‍പ്പൊടി, കുതിര്‍ത്ത പരിപ്പ് എന്നിവ മിക്സിയില്‍ നന്നായി അരച്ചെടുക്കുക. ഈ പേസ്റ്റിലേക്ക് ഉണക്കമുളക്, ബാക്കി പൊടികള്‍, ഇഞ്ചി-വെളുത്തുള്ളി പേസ്റ്റ്, പച്ചമുളകും സവാളയും അരിഞ്ഞത് എന്നിവയും ആവശ്യത്തിന് ഉപ്പും ചേര്‍ത്ത് നന്നായി യോജിപ്പിക്കുക. വടയുടെ ആകൃതിയില്‍ എണ്ണയില്‍ പൊരിച്ചെടുക്കുക.