കാരറ്റ് ഹൽവ പുഡ്ഡിംഗ്

ചേരുവകൾ:

കാരറ്റ് ചിരകിയത് – 2 കപ്പ്

പാൽ – 1 കപ്പ്

കണ്ടൻസ്ഡ് മിൽക്ക് – 1/2 കപ്പ് (മധുരം അനുസരിച്ച് മാറ്റം വരുത്താം)

ചൈനാ ഗ്രാസ് / അഗർ അഗർ – 5 ഗ്രാം (ചെറിയ കഷ്ണങ്ങളാക്കിയത്)

വെള്ളം – 1/4 കപ്പ് (ചൈനാ ഗ്രാസ് അലിയിക്കാൻ)

നെയ്യ് – 2 ടേബിൾസ്പൂൺ

ഏലക്ക പൊടിച്ചത് – 1/2 ടീസ്പൂൺ

കശുവണ്ടി, പിസ്ത (നുറുക്കിയത്) – അലങ്കരിക്കാൻ

തയ്യാറാക്കുന്ന വിധം:

ചൈനാ ഗ്രാസ് 1/4 കപ്പ് വെള്ളത്തിൽ 10 മിനിറ്റ് കുതിർക്കാൻ വെക്കുക. ശേഷം ഒരു ചെറിയ തീയിൽ വെച്ച് ഇത് പൂർണ്ണമായും അലിയിച്ചെടുക്കുക. കട്ട കെട്ടാതിരിക്കാൻ ഇളക്കിക്കൊണ്ടിരിക്കുക.ഒരു വലിയ പാനിൽ നെയ്യ് ചൂടാക്കി ചിരകിയ കാരറ്റ് ചേർത്ത് നന്നായി വഴറ്റുക. കാരറ്റിന്റെ പച്ചമണം മാറുമ്പോൾ പാൽ ചേർക്കുക.കാരറ്റ് നന്നായി വെന്ത് പാൽ വറ്റിവരുമ്പോൾ കണ്ടൻസ്ഡ് മിൽക്കും ഏലക്ക പൊടിച്ചതും ചേർത്ത് നന്നായി ഇളക്കുക.ഈ മിശ്രിതം ഹൽവ പരുവമാകുമ്പോൾ തീ ഓഫ് ചെയ്യുക.ഇതിലേക്ക് അലിയിച്ച ചൈനാ ഗ്രാസ് ചേർത്ത് നന്നായി ഇളക്കി യോജിപ്പിക്കുക.പുഡ്ഡിംഗ് സെറ്റ് ചെയ്യാനുള്ള പാത്രത്തിലേക്ക് മാറ്റി ചൂടാറാൻ അനുവദിക്കുക.ഫ്രിഡ്ജിൽ 2-3 മണിക്കൂർ വെച്ച് തണുപ്പിക്കുക. തണുത്ത ശേഷം കശുവണ്ടിയും പിസ്തയും കൊണ്ട് അലങ്കരിച്ച് വിളമ്പാം.