അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഡല്ഹി കലാപവുമായി ബന്ധപ്പെട്ട ഗൂഢാലോചന കേസില് മുൻ ജെഎന്യു വിദ്യാര്ഥി ഉമര് ഖാലിദ്, തസ്ലീം അഹമ്മദ്, ഷര്ജീല് ഇമാം എന്നിവർ ഉള്പ്പെടെ പത്തുപ്രതികള്ക്ക് ജാമ്യമില്ല. ഡല്ഹി ഹൈക്കോടതിയാണ് ജാമ്യ ഹർജികൾ തള്ളിയത്. പ്രതികള്ക്ക് ജാമ്യം അനുവദിക്കരുതെന്നായിരുന്നു ഡല്ഹി പോലീസ് കോടതിയില് പറഞ്ഞത്.
രാജ്യത്തിനെതിരേയാണ് പ്രതികള് പോരാടിയതെന്നും അതിനാല് വിചാരണ പൂര്ത്തിയാക്കുന്നതുവരെ ജാമ്യം നല്കരുതെന്നും ഡല്ഹി പോലീസിനുവേണ്ടി ഹാജരായ സോളിസിറ്റര് ജനറല് കോടതിയില് പറഞ്ഞു. 2020 മുതലാണ് ഡല്ഹി കലാപവുമായി ബന്ധപ്പെട്ട കേസില് ഉമര് ഖാലിദ് ഉള്പ്പെടെയുള്ള പത്തുപേരും ജയിലിൽ കഴിയുന്നത്.
STORY HIGHLIGHT: delhi riot case no bail
