അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി: ശബരിമല സ്വര്ണ്ണക്കൊള്ള കേസില് ശബരിമല ദേവസ്വം ബോര്ഡ് മുന് കമ്മീഷണറും മുന് പ്രസിഡന്റുമായ എന് വാസു ജയിലില് തുടരും. കട്ടിളപ്പാളിയിലെ സ്വര്ണം കവര്ച്ച ചെയ്യപ്പെട്ട കേസില് വാസുവിന്റെ ജാമ്യഹര്ജി ഹൈക്കോടതി തള്ളി. ദേവസ്വം മുന് എക്സിക്യൂട്ടീവ് ഓഫീസര് മുരാരി ബാബു, മുന് തിരുവാഭരണം കമ്മീഷണര് കെ എസ് ബൈജു എന്നിവരുടെ ജാമ്യാപേക്ഷയും ഹൈക്കോടതി തള്ളിയിട്ടുണ്ട്.
മൂന്നുപേരുടെയും ജാമ്യ ഹര്ജികള് തള്ളുന്നതായി ജസ്റ്റിസ് എ ബദറുദ്ദീനാണ് ഉത്തരവ് പുറപ്പെടുവിച്ചത്. കേസില് നേരിട്ട് ബന്ധമുള്ളവരാണ് മൂന്നു പ്രതികളുമെന്ന് പ്രത്യേക അന്വേഷണ സംഘം കോടതിയെ അറിയിച്ചു. പ്രതികള്ക്ക് ഈ ഘട്ടത്തില് ജാമ്യം നല്കുന്നത് അന്വേഷണത്തിന്റെ മുന്നോട്ടുള്ള പോക്കിനെ ബാധിക്കുമെന്നും എസ്ഐടി വാദിച്ചു. എസ്ഐടിയുടെ വാദം അംഗീകരിച്ചാണ് പ്രതികളുടെ ജാമ്യാപേക്ഷ കോടതി തള്ളിയത്.
