അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മുന് ഡി.ജി.പി ആര്. ശ്രീലേഖയെ നഗരസഭയുടെ പദവികളിലെങ്ങും തൊടീക്കാതെ വെറും കൗണ്സിലര് മാത്രമാക്കി ബി.ജെ.പി ഒതുക്കി. തന്ത്രപരമായി നീക്കമായിരുന്നു മേയര്, ഡെപ്യൂട്ടി മേയര് സ്ഥാനങ്ങളിലേക്കുള്ള ആളെ കണ്ടെത്തല് ബി.ജെ.പി ജില്ലാ കമ്മിറ്റി നടത്തിയത്. തെരഞ്ഞെടുപ്പ് വിജയത്തിനു ശേ,ം 14 ദിവസം എടുത്തു മേയര് ഡെപ്യൂട്ടി മേയര് എന്നിവരെ കണ്ടെത്താന്. അതായത്, സ്ഥാനമാനങ്ങള്ക്കുള്ള അവകാശ വാദവും പിടിവലിയും ഇതുവരെ നടന്നുവെന്നാണ് മനസ്സിലാകുന്നത്. മേയര് പദവിക്കായി വി.വി. രാജേഷ്, ആര്. ശ്രീലേഖ, കരമന അജിത് എന്നിവര് അവകാശം ഉന്നയിച്ചിരുന്നു. ഇതില് ആര്. ശ്രീലേഖ മാത്രമാണ് രാഷ്ട്രീയക്കാരി അല്ലാത്തത്. അതുകൊണ്ടു തന്നെ മേയര് ആകുന്നത് ആരായിരിക്കണമെന്നതിന് വലിയ ആശങ്ക ബി.ജെപിക്കുണ്ടായി.
ആര്. ശ്രീലേഖയെ മേയറാക്കുമെന്ന പ്രചാരണമാണ് പൊതുവില് കേട്ടിരുന്നത്. കാരണം, കേരളത്തിലെ ആദ്യ വനിതാ ഡി.ജി.പി എന്ന പദവി ബി.ജെ.പിക്ക് വലിയ മാര്ക്കറ്റായിരുന്നു. എന്നാല്, രാജേഷിന്റെയും കരമന അജിത്തിന്റെയും രാഷ്ട്രീയ പരിചയം കൂടുചതല് ഗുണം ചെയ്തു. അതുകൊണ്ടുതന്നെ തിരുവനന്തപുരം കോര്പ്പറേഷനില് ബിജെപി മേയര് സ്ഥാനാര്ത്ഥിയുടെ കാര്യത്തില് വീണ്ടും ചര്ച്ചയായി. ഈ ചര്ച്ചയില് മുന് ഡി.ജി.പി ആര് ശ്രീലേഖയെ മേയര് ആക്കുന്നതില് എതിര്പ്പുമായി ഒരു വിഭാഗം നേതാക്കള് രംഗത്തെത്തി. വിഷയത്തില് ഒരു വിഭാഗം സംസ്ഥാന നേതാക്കള് കേന്ദ്ര നേതൃത്വത്തിന് പരാതി നല്കി. സംഘടന ജനറല് സെക്രട്ടറി എസ്. സുരേഷും തിരുവനന്തപുരം സിറ്റി ജില്ലാ പ്രസിഡന്റ് കരമന ജയനും ശ്രീലേഖയെ വീട്ടിലെത്തി അടിയന്തിരമായി സന്ദര്ശിക്കുകയും ചെയ്തു.
തലസ്ഥാനത് മുന് ഡി.ജി.പി ആര് ശ്രീലേഖ മേയര് ആകുമെന്നായിരുന്നു ഇന്ന് രാവിലെ വരെ സൂചനകള് പുറത്ത് വന്നത്. ബി.ജെ.പിയിലെ അവസാന വട്ട ചര്ച്ചകളില് ശ്രീലേഖയുടെ പേരിനായിരുന്നു മുന് തൂക്കം. ശ്രീലേഖയുടെ പേര് ഇന്ന് പ്രഖ്യാപനം എന്നായിരുന്നു സൂചനകള്. ദേശീയ തലത്തില് ശ്രദ്ധിക്കപ്പെട്ടതാണ് കോര്പ്പറേഷന് ഫലം. സംസ്ഥാനത്തെ ആദ്യ വനിത ഐ.പി.എസ് ഉദ്യോഗസ്ഥ മേയര് ആകുമ്പോള് ഒന്ന് കൂടി ചര്ച്ച ആകുമെന്നും പാര്ട്ടിക്ക് നിയമസഭ തെരഞ്ഞെടുപ്പില് അടക്കം ഗുണം ചെയ്യുമെന്നായിരുന്നു വിലയിരുത്തല്. അവസാന നിമിഷം ഒരു വിഭാഗം നേതാക്കള് എതിര് അഭിപ്രായം പ്രകടിപ്പിച്ചതോടെ രാജേഷിനായി മുന്തൂക്കം. സിമി ജ്യോതിഷ്, ജി.എസ് മഞ്ജു, ആശ നാഥ് എന്നീ പേരുകളാണ് ഡെപ്യൂട്ടി മേയര് സ്ഥാനത് പരിഗണിച്ചത്.
ആര്. ശ്രീലേഖയെ മേയറാക്കാമെന്നു പറഞ്ഞ് പറ്റിച്ചിരിക്കുയാണെന്നാണ് പ്രതിപക്ഷത്തിന്റെ കളിയാക്കല്. ബി.ജെ.പിയുടെ പ്രഖ്യാപനം കേട്ട് കരയണോ ചിരിക്കണോ എന്ന അവസ്ഥയിലാണ് പ്രതിപക്ഷത്തിന്റെ അവസ്ഥ. എന്തായാലും മേയറായി വി.വി. രാജേഷിനെയും ഡെപ്യൂട്ടി മേയറായി ആശാനാഥിനെയും തെരഞ്ഞെടുത്തിരിക്കുകയാണ്. ഇനി നിയമസഭാ തെരഞ്ഞെടുപ്പില് ആര്. ശ്രീലേഖയെ പരിഗണിക്കുമോ എന്ന് കാത്തിരുന്നു കാണാം.
CONTENT HIGH LIGHTS; BJP slams R. Sreelekha: Neither mayor nor deputy mayor; Former DGP is just a Sasthamangalam councilor; Opposition unable to cry or laugh
