ഓസ്‌ട്രേലിയയിൽ ജോലി വാഗ്ദാനം ചെയ്ത് ലക്ഷങ്ങൾ തട്ടിയ കേസിൽ പ്രതി പിടിയിൽ

യു.​എ.​ഇ​യി​ൽ ജോ​ലി ചെ​യ്തി​രു​ന്ന യുവതിക്ക് ഓസ്‌ട്രേലിയയിൽ ജോലി വാഗ്ദാനം ചെയ്തു ലക്ഷ്യങ്ങൾ പറ്റിച്ച കേസിലെ പ്രതി അറസ്റ്റിൽ. ഓ​സ്ട്രേ​ലി​യ​ൻ പൗ​ര​നാ​യ സ​ക്കി​യു​ള്ള ഇ​സെ​ഡ് പാ​ർ​ക്ക​റിനെയാണ് (58)​ ത​ടി​യി​ട്ട​പ​റ​മ്പ് പൊ​ലീ​സ് അ​റ​സ്റ്റ് ചെയ്തത്.

യുവതിയും പ്രതിയും സോഷ്യൽ മീഡിയ വഴിയാണ് പരിചയപ്പെട്ടത്. ഓസ്‌ട്രേലിയയിൽ ഒരു പ്രശസ്ത കമ്പനിയിലെ സി.​ഇ.​ഒ ആണെന്നും അവിടെ ജോലി വാങ്ങി തരാമെന്നു ആയിരുന്നു ഇയാൾ യുവതിയുടെ പറഞ്ഞത്. യുവതി ഇത് വിശ്വസിക്കുകയും ചെയ്തു. വിസക്കും മറ്റു ആവിശ്യത്തിനുമായി അ​ഞ്ച് ല​ക്ഷ​ത്തി എ​ൺ​പ​തി​നാ​യി​രം രൂപ ഇയാൾ ആവശ്യപ്പെടുകയും യുവതി ഇത് നൽകുകയുമായിരുന്നു.

പണം നൽകിയതിന് ശേഷം ഇയാളെ പിന്നീട് വിളിച്ചിട്ടു ലഭിക്കുന്നുമില്ല ജോലിയും കിട്ടാത്തതിനെത്തുടർന്ന് തന്നെ പറ്റിച്ചതാണെന്ന് മനസിലാക്കിയ യുവതി ഉടൻ തന്നെ പോലീസിൽ പരാതി നൽകുകയായിരുന്നു. യുവതിയുടെ പരാതിയിൽ പോലീസ് ന​ട​ത്തി​യ ശാ​സ്ത്രീ​യ അ​ന്വേ​ഷ​ണ​ത്തി​ൽ ഇ​യാ​ൾ ഇ​ന്ത്യ​യി​ലു​ണ്ടെ​ന്ന് കണ്ടെത്തി.

തുടർന്ന് ലൊക്കേഷൻ വെച്ച് ഇയാളെ പിടികൂടാൻ ശ്രമിച്ചപ്പോ ഇയാൾ പ​ല ഇ​ട​ങ്ങ​ളി​ൽ മാ​റി​മാ​റി താ​മ​സി​ക്കു​ക​യാ​യി​രു​ന്നു. ഒടുവിൽ ഇ​​ന്തോ​റി​ൽ ആഡം​ബ​ര ഫ്ലാ​റ്റി​ൽ പ്ര​ത്യേ​ക ഓ​പ​റേ​ഷ​നി​ലൂ​ടെ അ​ക​ത്ത് പ്ര​വേ​ശി​ച്ച് പ്ര​തി​യെ പി​ടി​കൂ​ടു​ക​യാ​യി​രു​ന്നു. ഇ​യാ​ളി​ൽ നി​ന്ന് ലാ​പ്ടോ​പ്പും മൊ​ബൈ​ൽ ഫോ​ണു​ക​ളും നി​ര​വ​ധി രേ​ഖ​ക​ളും ക​ണ്ടെ​ടു​ത്തു. ശു​ഭം ശ​ർ​മ എ​ന്ന പേ​രി​ൽ വ്യാ​ജ ആ​ധാ​ർ കാ​ർ​ഡ് നി​ർ​മി​ച്ച് പു​തി​യ ത​ട്ടി​പ്പി​നൊ​രു​ങ്ങു​മ്പോ​ഴാ​ണ് പി​ടി​വീ​ണ​ത്.