അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഗൾഫ് മേഖലയിലെ സംഘർഷങ്ങൾക്ക് അയവ് വരുത്താൻ ലക്ഷ്യമിട്ട് ഇറാനുമായി വീണ്ടും ചർച്ചകൾക്ക് സന്നദ്ധത പ്രകടിപ്പിച്ച് അമേരിക്കൻ പ്രസിഡന്റ് റൊണാൾഡ് ട്രംപ്. പാകിസ്ഥാൻ ആതിഥേയത്വം വഹിക്കുന്ന ചർച്ചകളിൽ പങ്കുചേരാൻ അമേരിക്കൻ ഭരണകൂടം താൽപ്പര്യം പ്രകടിപ്പിച്ചതായാണ് റിപ്പോർട്ടുകൾ. എന്നാൽ ചർച്ചാ മേശയിലേക്ക് എത്തുന്നതിന് മുൻപായി അതിപ്രധാനമായ രണ്ട് നിബന്ധനകൾ ട്രംപ് ഭരണകൂടം മുന്നോട്ട് വെച്ചിട്ടുണ്ട്.
ലോകത്തെ സുപ്രധാന എണ്ണക്കടത്തു പാതയായ ഹോർമോസ് കടലിടുക്ക് പൂർണ്ണമായും തുറന്നുനൽകുക എന്നതാണ് അമേരിക്കയുടെ ആദ്യ നിബന്ധന. ഇതിനുപുറമെ, ചർച്ചകളിൽ പങ്കെടുക്കുന്ന ഇറാനിയൻ പ്രതിനിധി സംഘത്തിന് ഇസ്ലാമിക് റെവല്യൂഷനറി ഗാർഡ് കോർപ്സിന്റെ പൂർണ്ണ പിന്തുണ ഉണ്ടായിരിക്കണമെന്നും തീരുമാനങ്ങൾ സ്വതന്ത്രമായി എടുക്കാനുള്ള അധികാരം അവർക്ക് നൽകണമെന്നും അമേരിക്ക ആവശ്യപ്പെടുന്നു.
ഇറാനിലെ രാഷ്ട്രീയ നേതൃത്വവും സൈനിക വിഭാഗവും തമ്മിൽ നിലനിൽക്കുന്ന ആഭ്യന്തരമായ അഭിപ്രായവ്യത്യാസങ്ങൾ കരാറിലെത്തുന്നതിന് തടസ്സമാകുമെന്ന് അമേരിക്ക ഭയപ്പെടുന്നു. ഇറാൻ ഭരണകൂടം എടുക്കുന്ന തീരുമാനങ്ങൾ പിന്നീട് സൈനിക വിഭാഗം തള്ളിക്കളയുന്നത് ഒഴിവാക്കാനാണ് ഇസ്ലാമിക് റെവല്യൂഷനറി ഗാർഡ് കോർപ്സിന്റെ പ്രാതിനിധ്യം അമേരിക്ക ഉറപ്പാക്കാൻ ശ്രമിക്കുന്നത്. ഇറാന്റെ സൈനിക ശക്തിയെക്കൂടി വിശ്വാസത്തിലെടുക്കാതെ മുന്നോട്ട് പോകാനാവില്ലെന്ന വിലയിരുത്തലിലാണ് വിദഗ്ധർ.
