അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മേപ്പാടി പഞ്ചായത്തിലെ കള്ളാടിയില് തുരങ്കപാത നിര്മ്മാണവുമായി ബന്ധപ്പെട്ട് അശാസ്ത്രീയമായി മണ്ണ് കൂട്ടിയിട്ടതിനെത്തുടര്ന്നുണ്ടായ മണ്ണിടിച്ചിലാണ് ഉണ്ടായതെന്ന് മന്ത്രി ടി. സിദ്ദിഖ്. ഇത് മനുഷ്യ നിര്മ്മിതമായ ദുരന്തമാണ്. വലിയ ആശങ്കയണ് സൃഷ്ടിച്ചിരിക്കുന്നതെന്നും മന്ത്രി പറഞ്ഞു. ഉണ്ടായത് പ്രകൃതി ദുരന്തം അല്ല, മനുഷ്യ നിര്മിത ദുരന്തമാണ്. കൂട്ടിയിട്ടിരുന്ന മണ്ണ് മാറ്റാന് നേരത്തെ നിര്ദേശം നല്കിയിരുന്നു. അതെല്ലാം ഉദ്യോ?ഗസ്ഥര് അവ?ഗണിച്ചു. അപകടത്തില്പ്പെട്ട ആറുപേര് നിലവില് മിംസ് ആശുപത്രിയില് ചികിത്സയിലാണ്. കിരണ്കുമാര്, ദിലീപ്, സൂരജ് യാദവ്, സഞ്ജയ് താപ്പൂര്, രജനീഷ്, തന്മയ് ഘോഷ് എന്നിവരാണ് ആശുപത്രിയില് ചികിത്സ തേടിയത്. ഇവരുടെ ആരോഗ്യനില തൃപ്തികരമാണെന്നാണാണ് ലഭിക്കുന്ന വിവരം.
വയനാട്ടില് നിന്നും കോഴിക്കോട് നിന്നും രണ്ട് എന്.ഡി.ആര്.എഫ് സംഘങ്ങളെ സ്ഥലത്തെത്തിച്ചിട്ടുണ്ട്. ജില്ലാ കളക്ടര് സ്ഥലത്തെത്തി സ്ഥിതിഗതികള് വിലയിരുത്തിയിട്ടുണ്ട്. കൂടുതല് ആളുകള് അപകടത്തില്പ്പെട്ടിട്ടുണ്ടോ എന്ന് പരിശോധിക്കുന്നതിനുള്ള നടപടിക്രമങ്ങള് നടന്നുവരികയാണെന്നും മന്ത്രി കൂട്ടിച്ചേര്ത്തു. കള്ളാടിയില് തുരങ്കപാത പ്രവൃത്തിയുമായി തല്ക്കാലം മുന്നോട്ടു പോകരുതെന്ന് ആവശ്യപ്പെട്ടിരുന്നതായി റവന്യൂ മന്ത്രി എ.പി അനില്കുമാറും പ്രതികരിച്ചു. സാധ്യമായ ഫോഴ്സിനെയെല്ലാം സ്ഥലത്തേക്ക് അയച്ചിട്ടുണ്ടെന്നും അദ്ദേഹം കൂട്ടിച്ചേര്ത്തു. അതേസമയം, മണ്ണിടിച്ചിലിന് പിന്നാലെ വയനാട്, കോഴിക്കോട് ജില്ലകളില് കേന്ദ്ര കാലാവസ്ഥാ വകുപ്പ് റെഡ് അലര്ട്ട് പ്രഖ്യാപിച്ചിട്ടുണ്ട്.
അതേസമയം, സംസ്ഥാന ദുരന്ത നിവാരണ അതോറിട്ടി ആസ്ഥാനത്ത് മുഖ്യമന്ത്രി വി.ഡി. സതീശന് എത്തി സ്ഥിതിഗതികള് വിലയിരുത്തി. ദുരന്ത നിവാരണ അതോറിട്ടി നേരത്തെ മുന്നറിയിപ്പ് നല്കിയിട്ടുണ്ടായിരുന്നു. എന്നാല്, അവിടെ കനത്ത മഴയുണ്ടായതാണ് മണ്ണിടിച്ചില് ഉണ്ടാകാന് കാരണമായതെന്നും മുന്നറിയിപ്പില് പറഞ്ഞിട്ടുണ്ട്. ഇത് വലിയ ആശയക്കുഴപ്പം സൃഷ്ടിച്ചിട്ടുണ്ട്. അതുകൂടി കണക്കിലെടുത്താണ് മുഖ്യമന്ത്രി നേരിട്ട് ദുരന്ത നിവാരണ അതോറിട്ടി ആസ്ഥാനത്ത് എത്തിയത്.
ദുരന്തമുണ്ടായ ഭാഗത്ത് അടിയന്തിരമായി രക്ഷാപ്രവര്ത്തനം ഏകോപിപ്പിക്കാന് ആഭ്യന്തരമന്ത്രി രമേശ് ചെന്നിത്തല പോലീസിന് നിര്ദ്ദേശം നല്കി. ഫയര് ഫോഴ്സ് മേധാവിക്കും വയനാട് ജില്ലാ പൊലീസ് മേധാവിക്കുമാണ് നിര്ദേശം നല്കിയത്. മന്ത്രിമാരായ എ.പി അനില് കുമാറും ടി.സിദ്ദീഖും ഹെലികോപ്റ്ററില് വയനാട്ടിലെത്തും. മീനങ്ങാടിയില് നിന്നുള്ള എന്.ഡി.ആര്.എഫ് യൂണിറ്റ് ഉടന് സംഭവ സ്ഥലത്തെത്തും. കോഴിക്കോടുള്ള സംഘത്തോടും വയനാട്ടില് എത്താന് നിര്ദേശിച്ചു. വയനാട് ജില്ലാ കലക്ടറുമായും മുഖ്യമന്ത്രി ഫോണില് സംസാരിച്ചു.
കള്ളാടിയില് തുരങ്കപാത നിര്മാണ കമ്പനിക്ക് കര്ശന മുന്നറിയിപ്പ് നിര്ദേശങ്ങള് നല്കിയിരുന്നുവെന്ന് പൊതുമരാമത്ത് മന്ത്രി പി.കെ ബഷീര് പറഞ്ഞു. അപകടകരമായ സാഹചര്യമാണോ എന്ന് മനസിലാക്കാന് ഉന്നത ഉദ്യോഗസ്ഥരെ സ്ഥലത്തേക്ക് അയച്ചിരുന്നു. പൊതുമരാമത്ത് വകുപ്പിനല്ല, കൊങ്കണ് റെയില്വെക്കാണ് നിര്മാണ ചുമതല. മണ്ണ് കൂട്ടിയിട്ടിയിരുന്നു. മണ്ണ് മാറ്റാന് നടപടി ഉണ്ടാവണം എന്ന് കൊങ്കണ് അധികൃതരോട് ആവശ്യപ്പെട്ടിരുന്നുവെന്നും മന്ത്രി വ്യക്തമാക്കി. കള്ളാടി തുരങ്കപാതക്ക് സമീപം മണ്ണിടിഞ്ഞുണ്ടായ അപകടത്തില് രണ്ട് പേര്ക്കാണ് ജീവന് നഷ്ടമായത്. നിരവധി വാഹനങ്ങള് കുടുങ്ങിക്കിടക്കുകയാണ്. മണ്ണിനടിയില് ആളുകള് കുടുങ്ങിക്കടക്കുന്നുണ്ടോയെന്ന് പരിശോധന തുടരുകയാണ്. ആറുപേരെ രക്ഷപ്പെടുത്തി ആശുപത്രിയിലേക്ക് മാറ്റി. ഫയര്ഫോഴ്സ് ഉള്പ്പെടെ സ്ഥലത്തേക്ക് എത്തിയിട്ടുണ്ട്. പ്രദേശത്ത് ഇന്നലെ രാത്രിയിലും ഇന്ന് രാവിലെയും കനത്ത മഴ പെയ്തിരുന്നു. വീടുകള് ഉള്പ്പെടെ കോണ്ക്രീറ്റ് ഭിത്തി പൂര്ണമായും തകര്ന്നിട്ടുണ്ട്.
