അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സി.എം.ആർ.എൽ – എക്സാലോജിക് സാമ്പത്തിക ഇടപാടുമായി ബന്ധപ്പെട്ട് വിജിലൻസ് എഫ്.ഐ.ആർ രജിസ്റ്റർ ചെയ്ത നടപടിയോട് പ്രതികരിച്ച് സി.പി.ഐ.എം നേതാവ് എം. വി. ജയരാജൻ. മുൻ മുഖ്യമന്ത്രി പിണറായി വിജയനെ ഒന്നാം പ്രതിയാക്കി കേസെടുത്ത നടപടിയെ നിയമപരമായും രാഷ്ട്രീയപരമായും പാർട്ടി നേരിടുമെന്ന് അദ്ദേഹം വ്യക്തമാക്കി.
വ്യാജ തെളിവുകളുടെയും ഇ.ഡി നിർമ്മിത തെളിവുകളുടെയും അടിസ്ഥാനത്തിലാണ് ഈ കേസുണ്ടായിരിക്കുന്നത്. ഭീഷണിപ്പെടുത്തി ശേഖരിച്ച മൊഴികളാണ് ഇ.ഡി ഇതിനായി ഉപയോഗിച്ചതെന്ന് സാക്ഷികൾ തന്നെ ഇ.ഡി ഡയറക്ടറെയും റീജിയണൽ ഡയറക്ടറെയും സത്യവാങ്മൂലത്തിലൂടെ അറിയിച്ചിട്ടുള്ളതാണ്.
ഈ വിവരങ്ങളൊന്നും പരിശോധിക്കാതെയാണ് കോടതി എഫ്.ഐ.ആർ രജിസ്റ്റർ ചെയ്യാൻ ഉത്തരവിട്ടതെന്ന് എം. വി. ജയരാജൻ കുറ്റപ്പെടുത്തി. ഇ.ഡിയുടെ റിപ്പോർട്ടും ഹർജിക്കാരനായ ഷാജഹാന്റെ ഉന്നയിപ്പുകളും മാത്രം നോക്കിയാണ് വിധി ഉണ്ടായിരിക്കുന്നത്.
ഇത് സ്വാഭാവിക നീതിയുടെ നിഷേധമാണ്. ഏകാധിപത്യപരമായ ഇത്തരം നീക്കങ്ങൾക്ക് വി. ഡി. സതീശനും നരേന്ദ്ര മോദിയും പരസ്പരം പിന്തുണ നൽകുകയാണെന്നും അദ്ദേഹം ആരോപിച്ചു.
