ചെന്നൈ:സ്ത്രീകൾക്കുള്ള സർക്കാരിന്റെ പ്രതിമാസ ധനസഹായ പദ്ധതിയെ പരിഹസിച്ച് നടിയും ബിജെപി നേതാവുമായ ഖുഷ്ബു.സർക്കാർ നൽകുന്ന 1000 രൂപ സ്ത്രീകൾക്കുള്ള ഭിക്ഷയാണെന്ന ഖുഷ്ബുവിന്റെ പരാമർശത്തിനെതിരെയാണ് പ്രതിഷേധം.
ചെന്നൈ, തിരുവള്ളൂർ, സേലം തുടങ്ങി വിവിധ ജില്ലകളിൽ സ്ത്രീകളുടെ നേതൃത്വത്തിൽ ഖുഷ്ബുവിന്റെ ഫോട്ടോ കത്തിക്കുകയും ഫോട്ടോയിൽ ചെരിപ്പ് കൊണ്ട് അടിക്കുകയും ചെയ്തു. ഖുഷ്ബു മാപ്പ് പറയണമെന്നും ആവശ്യപ്പെട്ടു.
Read more ….
ഖുഷ്ബുവിന്റെ പരാമർശത്തെ മന്ത്രി ഗീതാ ജീവൻ അപലപിച്ചു. ഖുഷ്ബുവിന് 1,000 രൂപ വലിയ കാര്യമല്ലെന്നും സാധാരണക്കാർക്ക് ചികിത്സയ്ക്കും കുട്ടികളുടെ വിദ്യാഭ്യാസത്തിനും ഈ പണം ഉപകരിക്കുമെന്നും അവർ പറഞ്ഞു. നടി അംബികയും ഖുഷ്ബുവിന്റെ പരാമർശത്തെ അപലപിച്ചു.