അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: ഇന്ത്യൻ സൂപ്പർ ലീഗിൽ കേരളാ ബ്ലാസ്റ്റേഴ്സിനെ വീഴ്ത്തി എ.ടി.കെ. മോഹൻ ബഗാൻ. മൂന്നിനെതിരേ നാല് ഗോളുകൾക്കായിരുന്നു മോഹൻ ബഗാന്റെ ജയം. അവസാന ആറ് കളികളിൽ ബ്ലാസ്റ്റേഴ്സിന്റെ അഞ്ചാം തോൽവിയാണ് ഇത്.
ആദ്യാവസാനംവരെ ആക്രമിച്ച് കളിച്ച മോഹൻ ബഹാനോട് ശക്തമായ പോരാട്ടം കാഴ്ചവെക്കാൻ ബ്ലാസ്റ്റേഴ്സിനായെങ്കിലും തോൽവി ഒഴിവാക്കാൻ സാധിച്ചില്ല. നാലാം മിനിറ്റിൽ തന്നെ ബഗാന് വേണ്ടി അർമാൻഡോ സാദികു പന്ത് വലയിലെത്തിച്ചു. രണ്ടാം പകുതിയിലും മോഹൻ ബഗാന്റെ ശക്തമായ ആക്രമണത്തിനായിരുന്നു കൊച്ചി സ്റ്റേഡിയം സാക്ഷ്യം വഹിച്ചത്.
ബഗാനായി അർമാണ്ടോ സാദികു രണ്ട് ഗോളുകൾ നേടി. ദീപക് ടാൻഗ്രി, ജേസൺ കമ്മിങ്‌സ് എന്നിവരാണ് ബഗാന്റെ മറ്റു സ്‌കോറർമാർ. ബ്ലാസ്റ്റേഴ്‌സിനായി ദിമിത്രിയോസ് ഡയമന്റകോസാണ് രണ്ടു ഗോളുകൾ നേടിയത്. വിപിൻ മോഹനാണ് മറ്റൊരു സ്‌കോറർ. നാലാം മിനുറ്റിൽ തന്നെ അർമാണ്ടോ ബ്ലാസ്റ്റേഴ്സ് വലയിൽ പന്ത് എത്തിച്ച്, കൊച്ചിയെ ഞെട്ടിച്ചു. ആ ഒരൊറ്റ ഗോളിന്റെ ആത്മവിശ്വാസത്തിൽ പ്രതിരോധ ലൈനാണ് ഒന്നാം പകുതിവരെ മോഹൻ ബഗാൻ സ്വീകരിച്ചത്.
രണ്ടാം പകുതിയില്‍ അഞ്ച് ഗോളുകളാണ് പിറന്നത്. 54ാം മിനുറ്റിൽ വിപിൻ മോഹനാണ് ബ്ലാസ്‌റ്റേഴ്‌സിന് സമനില നൽകിയത്. എന്നാൽ ആറ് മിനിറ്റുകൾക്കപ്പുറം അർമാണ്ടോ, ബഗാന് വീണ്ടും സന്തോഷം നൽകി. അതോടെ സ്‌കോർ 2-1. മൂന്ന് മിനിറ്റുകൾക്കപ്പുറം ഗോളടി വീരൻ ബ്ലാസ്റ്റേഴ്സിനെ വീണ്ടും ഒപ്പമെത്തിച്ചു. അതോടെ സ്‌കോർ 3-3. ബഗാന്റെ നാലാം ഗോളാണ് ബ്ലാസ്റ്റേഴ്സിനെ ഇല്ലാതാക്കിയത്.
Read more ….
