അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുടിയും താടിയും നരയ്ക്കുന്നത് എല്ലാവരുടെയും പ്രശ്നമാണ്. പല വഴികൾ നോക്കിയിട്ടും ഇവ പരിഹരിക്കാനാകുന്നില്ലേ? ഇതാ ഇവിടെ കുറച്ച വഴികൾ
ഒമേഗ- 3
ഒമേഗ-3 എന്ന് കേള്‍ക്കുമ്പോള്‍ നിങ്ങള്‍ പേടിക്കണ്ട. നമ്മള്‍ കഴിക്കുന്ന മീനില്‍ നിന്നും നമുക്ക് ഒമേഗ-3 ലഭിക്കുന്നതാണ്. പ്രത്യേകിച്ച് നല്ല കൊഴുപ്പുള്ള മത്സ്യങ്ങള്‍ കഴിച്ചാല്‍ ഒമേഗ- 3 നമ്മളുടെ ശരീരത്തില്‍ എത്തുന്നു. മുടിയുടെ ആരോഗ്യം നിലനിര്‍ത്തുന്നതിനും മുടിയ്ക്ക് നല്ല നിറം നല്‍കുന്നതിനും ഒമേഗ- 3 അനിവാര്യമാണ്.
പൊതുവില്‍ എല്ലാവരും സാല്‍മണ്‍ ഫിഷ് കഴിക്കാന്‍ പറയും. എന്നാല്‍, നമ്മളുടെ നാട്ടില്‍ സുലഭമല്ലാത്ത സാല്‍മണ്‍ഫിഷിനോട് കിടപിടിക്കുന്ന ഒരു മത്സ്യമാണ് മത്തി അഥവാ ചാള. മത്തിയുടെ മുള്ള് മുതല്‍ ശരീരത്തിലേയ്ക്ക് എത്തുന്നത് ശരീരത്തിലേയ്ക്ക് വേണ്ടത്ര ഒമേഗ- 3 ആണ് എത്തിക്കുന്നത്.
ഇനി മത്തി കഴിക്കാന്‍ ഇഷ്ടമില്ലാത്തവരാണെങ്കില്‍ മീന്‍ ഗുളിക വാങ്ങാന്‍ ലഭിക്കും. ഇത് രാത്രിയില്‍ ഒന്ന് വീതം കഴിച്ച് കിടക്കുന്നതും ഒമേഗ- 3 എത്തുന്നതിന് സഹായിക്കുന്നു.
കൂണ്‍
മുടിയുടെ നിറം തിരിച്ച് കിട്ടുന്നതിനും മുടിയ്ക്ക് നല്ല കറുപ്പ് നിലനിര്‍ത്താനും നര വരാതിരിക്കാനും സഹായിക്കുന്ന മറ്റൊരു ആഹാരമാണ് കൂണ്‍. കൂണ്‍ കടയില്‍ നിന്നും വാങ്ങുന്നത് മാത്രമല്ലാതെ, പലപ്പോഴും പറമ്പില്‍ മുളയ്ക്കുന്ന, കഴിക്കാന്‍ പറ്റുന്ന കൂണുകള്‍ പലരും കറി വെച്ച് കഴിക്കുന്നത് കാണാം. പ്രത്യേകിച്ച് മഴ പെയ്ത് തുടങ്ങുന്നതോടെ കൂണുകള്‍ മുളപൊട്ടാനും ആരംഭിക്കും.
ഇത്തരത്തില്‍ ആഹാരയോഗ്യമായിട്ടുള്ള കൂണുകള്‍ വാങ്ങിച്ചോ, അല്ലെങ്കില്‍ പറമ്പില്‍ നിന്നും പറച്ചോ, കഴിക്കാവുന്നതാണ്. കറി തന്നെ വെച്ച് കഴിക്കണമെന്നില്ല. നല്ല സാലഡ് തയ്യാറാക്കി കഴിക്കുന്നത് മുടിയുടെ ആരോഗ്യത്തിന് മാത്രമല്ല, തടി വര്‍ദ്ധിക്കാതിരിക്കാനും ഇത് സഹായിക്കുന്നുണ്ട്.
ഡാര്‍ക്ക് ചോക്ലേറ്റ്
അകാലനര കുറയ്ക്കാനും മുടിയുടെ നിറം സംരക്ഷിക്കാനും സഹായിക്കുന്ന ഡാര്‍ക്ക് ചോക്ലേറ്റ് ദിവസേന ഒരു നിശ്ചിത അളവില്‍ കഴിക്കുന്നത് നല്ല ഫലം നല്‍കുന്നതിന് സഹായിക്കും. നിങ്ങള്‍ ഒരു ഔണ്‍സ് ഡാര്‍ക്ക് ചോക്ലേറ്റ് കഴിച്ചാല്‍ അതില്‍ 20 ശതമാനത്തോളം അയേണ്‍ അടങ്ങിയിരിക്കുന്നു.
നമുക്കറിയാം മുടി നല്ല ആരോഗ്യത്തോടെ വളരണമെങ്കില്‍ അയേണ്‍ അനിവാര്യമാണ്. എന്നാല്‍ മാത്രമാണ് മുടിയ്ക്ക് വേരില്‍നിന്നും ഉറപ്പും ബലവും അതുപോലെ, മുടി കൊഴിച്ചില്‍ കുറയ്ക്കാനും ഇത് സഹായിക്കുന്നുണ്ട്. അതിനാല്‍, അധികമല്ലെങ്കിലും ഇടയ്ക്ക് ഓരോ കഷ്ണം ഡാര്‍ക്ക് ചോക്ലേറ്റ് നുണയുന്നത് മുടി നരയ്ക്കാതിരിക്കാന്‍സഹായിക്കും.
മുട്ട
മുട്ട കഴിക്കാന്‍ മിക്ക ആണ്‍കുട്ടികള്‍ക്കും ഇഷ്ടമാണ്. നിരവധി പോഷകങ്ങളാല്‍ സമ്പന്നമാണ് മുട്ട. പ്രോട്ടീനാല്‍ സമ്പന്നമായ മുട്ടയില്‍ വിറ്റമിന്‍ ബി12ഉം അടങ്ങിയിരിക്കുന്നു. ഇത് മുടി വേഗത്തില്‍ നരയ്ക്കുന്നത് തടയാനും മുടിയ്ക്ക് നല്ല നിറം നല്‍കുന്നതിനും മുടിയുടെ സ്വാഭാവിക നിറം വെള്ളയിലേക്ക് മാറാതിരിക്കാനും ഇത് സഹായിക്കുന്നുണ്ട്.
അതിനാല്‍ ദിവസേന പുഴുങ്ങിയ മുട്ട ഒരു രണ്ട് എണ്ണം വീതം കഴിക്കുന്നത് ശീലമാക്കാവുന്നതാണ്. രാവിലെ തന്നെ കഴിച്ചാല്‍ ഇത് കൂടുതല്‍ ഫലം നല്‍കുന്നതിന് സഹായിക്കുന്നു.
- Read More….
- FACT CHECK| ടിഡിപിക്ക് വോട്ട് അഭ്യര്‍ഥിച്ച് നടി സാമന്ത ? | loksabha election 2024
- ദേശീയപാതക്കാർ 2 കൊല്ലം കഴിഞ്ഞാൽ പോകും പിന്നെ ദുരിതം പേറേണ്ടത് നമ്മൾ
- ഇൻഡ്യ സഖ്യത്തിൽ സീറ്റ് വിഭജനം വൈകുന്നു : ഝാർഖണ്ഡിൽ ഒറ്റക്ക് മത്സരിക്കാനൊരുങ്ങി സി.പി.ഐ
- ജിമ്മിലും പോകണ്ട, ഡയറ്റും എടുക്കണ്ട: വണ്ണം ഇങ്ങനെ കുറച്ചാലോ?
- തേങ്ങ ചിരകണ്ട അരയ്ക്കണ്ട ; ദഹനത്തിനും ഗ്യാസിനും തൈര് കറി എളുപ്പത്തിൽ ഉണ്ടാക്കിയാലോ
പുളിപ്പിച്ച ആഹാരങ്ങള്‍
പുളിപ്പിച്ചെടുത്ത ആഹാരങ്ങള്‍, പ്രത്യേകിച്ച് ഇഢ്‌ലി, ദോശ എന്നിവയെല്ലാം നിങ്ങള്‍ ആഹാരത്തില്‍ ഉള്‍പ്പെടുത്തുന്നത് മുടിയുടെ ആരോഗ്യവും അതുപോലെ, നിറവും നിലനിര്‍ത്താന്‍ സഹായിക്കുന്നു. ഇത്തരം ആഹാരത്തില്‍ അടങ്ങിയിരിക്കുന്ന പ്രോബയോട്ടിന്‍ മുടിയുടെ ആരോഗ്യത്തിന് നല്ലതാണ്.
