അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മസ്‌കത്ത് ∙ ഒമാനിലെ ആദ്യ മാർത്തോമ്മാ ദേവാലയമായ മാർത്തോമ്മാ ചർച്ച് ഇൻ ഒമാൻ ഇടവകയുടെ സുവർണ്ണ ജൂബിലി ആഘോഷങ്ങളുടെ ഉദ്ഘാടന സമ്മേളനം റൂവി, സെന്റ് തോമസ് ദേവാലയത്തിൽ മാർത്തോമ്മാ സഭാ സഫ്രഗൻ മെത്രാപ്പൊലീത്താ അഭിവന്ദ്യ റവ. ഡോ. യുയാകീം മാർ കൂറിലോസ് എപ്പിസ്‌കോപ്പാ നിർവഹിച്ചു.
ഇടവക വികാരി റവ. സാജൻ വർഗീസ് അധ്യക്ഷത വഹിച്ചു. ഒമാനിലെ ഇന്ത്യൻ അംബാസിഡർ അമിത് നാരംഗ് പങ്കെടുത്ത സമ്മേളനത്തിൽ അഡ്വ. ചാണ്ടി ഉമ്മൻ എം എൽ എ മുഖ്യാഥിതി ആയിരുന്നു. വ്യവസായികളായ ഡോ. പി മുഹമ്മദ് അലി, കിരൺ ആഷർ എന്നിവരെ സുവർണ ജൂബിലി ആഘോഷങ്ങളുടെ ഭാഗമായി ആദരിച്ചു. പി സി ഒ ലീഡ് പാസ്റ്റർ മിറ്റ്ചൽ ഫോർഡ്, ഒമാൻ ക്യാൻസർ അസോസിയേഷൻ പ്രസിഡന്റ് ഡോ. വാഹീദ് അലി സൈദ് അൽ ഖറൂഷി തുടങ്ങിവർ ഉദ്ഘാടന സമ്മേളനത്തിൽ പങ്കെടുത്തു. ജനറൽ കൺവീനർ ബിനു എം ഫിലിപ്പ്, ജോയിന്റ് കൺവീനർ ഫിലിപ്പ് കുര്യൻ, സഭാ കൗൺസിൽ അംഗം പ്രകാശ് ജോൺ വൈദ്യൻ, ഭദ്രാസന കൗൺസിൽ അംഗം സ്റ്റാൻലി വി. സണ്ണി, ഫാ. വർഗീസ് റ്റിജു ഐപ്പ്, റവ. ബിനു തോമസ്, റവ. എം ജേക്കബ്, ബിനു ഫിലിപ്പ് എന്നിവർ ചടങ്ങില്‍ സംസാരിച്ചു.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
