അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇറ്റാനഗര്‍; സന്തോഷ് ട്രോഫി ഫുട്‌ബോൾ ടൂർണമെൻ്റിൽ സെമി കാണാതെ കേരളത്തിൻ്റെ പടിയിറക്കം.
ക്വാര്‍ട്ടര്‍ ഫൈനലില്‍ ഷൂട്ടൗട്ടില്‍ മിസോറമാണ് കേരളത്തെ കീഴടക്കിയത്. നിശ്ചിതസമയത്തും എക്‌സ്ട്രാ ടൈമിലും ഇരുടീമുകള്‍ക്കും സമനില പാലിച്ചു. പിന്നീട് നടന്ന പെനാല്‍റ്റി ഷൂട്ടൗട്ടിലും തുല്യതപാലിച്ചതോടെ മത്സരം സഡന്‍ഡത്തിലേക്ക് കടന്നു. സഡന്‍ഡത്തില്‍ കേരളതാരം സുജിത് പെനാല്‍റ്റി പാഴാക്കി.
ഇതോടെ ഷൂട്ടൗട്ടില്‍ 7-6 ന് വിജയിച്ച് മിസോറം സെമിയിലേക്ക് കുതിക്കുകയായിരുന്നു. ഗ്രൂപ്പ് ഘട്ടത്തില്‍ ഏറ്റവും കൂടുതല്‍ ഗോള്‍ നേടിയ മിസോറമിനെ നിശ്ചിത സമയത്തും അധിക സമയത്തും വലകുലുക്കാന്‍ അനുവദിച്ചില്ലെങ്കിലും സതീവന്‍ ബാലനും സംഘവും ഷൂട്ടൗട്ടില്‍ തോൽവി സമ്മതിക്കുകയായിരുന്നു .
