അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റിയാദ്∙ സാങ്കേതികരംഗത്ത് വിപ്ലവകരമായ മാറ്റങ്ങൾ സൃഷ്‌ടിക്കാൻ സാങ്കേതിക വിദ്യാമേളയായ ‘ലീപ് 2024’ ന് റിയാദിൽ തുടക്കമായി. റിയാദ് എക്സിബിഷൻ ആൻഡ് കൺവെൻഷൻ സെന്‍ററിൽ നടക്കുന്ന മേള നാലുദിവസം നീണ്ടുനിൽക്കും. എല്ലാ ദിവസവും രാവിലെ 10.30 മുതൽ വൈകീട്ട് ഏഴ് വരെയാണ് പരിപാടികൾ. മേളയിൽ സംഘാടകർ 1,72,000 സന്ദർശകരെയാണ് പ്രതീക്ഷിക്കുന്നത്.
റിയാദ് നഗരത്തിലെ രണ്ടിടങ്ങളിൽനിന്ന് മേള നടക്കുന്ന മൽഹമിലേക്കും തിരികെയും ഷട്ടിൽ ബസ് സർവീസുണ്ട്. ഇതിന് പുറമെ കരീം ടാക്സി ബുക്ക് ചെയ്‌താൽ ആകെ ടാക്സി ചാർജിൽ 50 റിയാൽ ഇളവുണ്ടാവും. മേള സന്ദർശിക്കാൻ https:// register.visitcloud.com റജിസ്റ്റർ ചെയ്ത‌ത്‌ ബാഡ്‌ജ്‌ നേടണം. ബാഡ്‌ജ്‌ സ്കാൻ ചെയ്താണ് മേളയിലേക്ക് പ്രവേശനം അനുവദിക്കുക.
സാങ്കേതിക രംഗത്തെ ഏറ്റവും പുതിയ സംവിധാനങ്ങൾ പ്രദർശിപ്പിക്കാനും പരിചയപ്പെടുത്താനുമായി ആഗോളതലത്തിൽ പ്രവർത്തിക്കുന്ന 1800 കമ്പനികൾ മേളയിൽ പ്രദർശനത്തിനുണ്ട്. ഇതിന് പുറമെ 600 ഓളം സ്റ്റാർട്ടപ്പ് കമ്പനികളുടെയും സാന്നിധ്യം മേളയിലുണ്ടാകും. ലോകത്തിലെ വിവിധ കോണുകളിൽ നിന്നെത്തിയ ടെക് മേഖലയിലെ 1100 പ്രഭാഷകർ ലീപിന്‍റെ പല വേദികളിലായി സംസാരിക്കും. രാജ്യത്തിനകത്തുള്ള വിദ്യാർഥികൾക്കും ഉദ്യോഗാർഥികൾക്കും സ്റ്റാർട്ടപ്പ് സംരംഭകർക്കും വലിയ അവസരമായി ലീപ് മാറും.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
