അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അബുദാബി∙ യുഎഇയുടെ പ്രഥമ ആണവോർജ പദ്ധതിയായ ബറാക ന്യൂക്ലിയർ പ്ലാന്റിന്റെ അവസാന യൂണിറ്റും പ്രവർത്തനമാരംഭിച്ചു. വൈകാതെ ദേശീയ ഗ്രിഡുമായി ബന്ധിപ്പിക്കും. ഇതോടെ അടുത്ത 60 വർഷത്തേക്ക് യുഎഇയുടെ മൊത്തം ഊർജ ഉപഭോഗത്തിന്റെ 25% ആണവോർജത്തിന് സംഭാവന ചെയ്യാനാകുമെന്ന് എമിറേറ്റ്സ് ന്യൂക്ലിയർ എനർജി കോർപറേഷൻ (എനെക്) അറിയിച്ചു. ആദ്യ യൂണിറ്റ് 2020 ഫെബ്രുവരിയിലും രണ്ടാം യൂണിറ്റ് 2021 മാർച്ചിലും മൂന്നാം യൂണിറ്റ് 2022 സെപ്റ്റംബറിലും പ്രവർത്തനം ആരംഭിച്ചിരുന്നു.
4 യൂണിറ്റുകളും പൂർണതോതിൽ പ്രവർത്തനം തുടങ്ങുന്നതോടെ പ്ലാന്റിന്റെ മൊത്തം ശേഷി 5.6 ജിഗാവാട്ട് ആയി ഉയരും. 2025ഓടെ അബുദാബിക്ക് ആവശ്യമായ വൈദ്യുതിയുടെ 85% ബറാക പ്ലാന്റ് ഉൽപാദിപ്പിക്കും. സുരക്ഷിതം, സംശുദ്ധം, വിശ്വാസ്യത എന്നീ സവിശേഷതകളുള്ള ആണവോർജം ഉൽപാദിപ്പിക്കുന്നതിലൂടെ വർഷത്തിൽ 2.1 കോടി ടൺ കാർബൺ മലിനീകരണം ഒഴിവാക്കാനാകും എന്നതാണ് നേട്ടം.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
