അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലണ്ടൻ: ഇംഗ്ലീഷ് പ്രീമിയർ ലീഗിലെ മാഞ്ചസ്റ്റർ ഡർബിയിൽ മാഞ്ചസ്റ്റർ യുണൈറ്റഡിനെ പരാജയപ്പെടുത്തി മാഞ്ചസ്റ്റർ സിറ്റി. ഇത്തിഹാദ് സ്റ്റേഡിയത്തിൽ 3-1നാണ് ആതിഥേയരായ മാഞ്ചസ്റ്റർ സിറ്റി വിജയം നേടിയത്. ആദ്യ പകുതിയിൽ ഒരു ഗോളിന് പിന്നിൽനിന്ന ശേഷമായിരുന്നു സിറ്റിയുടെ തിരിച്ചുവരവ്. ഫിൽ ഫോഡൻ ഇരട്ട ഗോളുകളുമായി സിറ്റിയുടെ ഹീറോ ആയപ്പോൾ എർലിംഗ് ഹാലണ്ട് ഒരു ഗോൾ നേടി.
മത്സരത്തിന്‍റെ എട്ടാം മിനിറ്റിൽ തന്നെ സിറ്റിയെ ഞെട്ടിച്ച് ആദ്യ ഗോൾ പിറന്നു. മാർകസ് റാഷ്ഫോഡിന്‍റെ കാലിൽ നിന്നായിരുന്നു യുണൈറ്റഡിന്‍റെ ഗോൾ. തുടക്കത്തിലെ ഞെട്ടലിന് ശേഷം സിറ്റി പൊരുതിക്കളിച്ചെങ്കിലും ആദ്യപകുതിയിൽ സ്കോർ മാറിയില്ല.
രണ്ടാംപകുതിയുടെ 11ാം മിനിറ്റിൽ തന്നെ ഫിൽ ഫോഡനിലൂടെ സിറ്റി തിരിച്ചടിച്ചു. ബോക്സിന് തൊട്ടുപുറത്ത് ലഭിച്ച പന്ത് ഫിൽ ഫോഡൻ ഒരു തകർപ്പൻ ഇടംകാൽ ഷോട്ടിലൂടെ വലയിലെത്തിക്കുകയായിരുന്നു. 80ാം മിനിറ്റിൽ ഫോഡൻ വീണ്ടും സിറ്റിയെ 2-1ന് മുന്നിലെത്തിച്ചതോടെ യുണൈറ്റഡ് പരാജയം മണത്തു.
91ാം മിനിറ്റിൽ അമ്രബതിന്റെ പിഴവ് മുതലെടുത്താണ് ഹാളണ്ട് സിറ്റിയുടെ വിജയം ഉറപ്പിച്ച മൂന്നാം ഗോൾ നേടിയത്. വിജയത്തോടെ പോയിന്‍റ് ടേബിളിൽ സിറ്റി രണ്ടാമതെത്തി. 63 പോയിന്‍റുമായി ഒന്നാമതുള്ള ലിവർപൂളിന് ഒരു പോയിന്‍റ് മാത്രം പിറകിലാണ് സിറ്റി. 44 പോയിന്‍റുള്ള യുണൈറ്റഡ് ആറാം സ്ഥാനത്താണ്.
Read More:
- നാഗ്പൂരിൽ സൈക്കിൾ പോളോ താരത്തിന്‍റെ മരണം: പോസ്റ്റ്മോര്‍ട്ടം റിപ്പോര്‍ട്ടില്‍ വ്യക്തതയില്ല
- നാടോടി പെൺകുട്ടിയെ തട്ടിക്കൊണ്ടുപോയ സംഭവം; പ്രതി പിടിയിൽ
- പട്ടാമ്പി നേര്‍ച്ചയ്ക്ക് കൊണ്ടുവന്ന ആന ലോറിയില്‍ നിന്ന് ഇറങ്ങി വിരണ്ടോടി
- മുൻപും സമാനമായ കേസുകളിൽ ഉൾപ്പെട്ടതായി വിവരം: കൊല്ലത്തും നാടോടി കുട്ടിയെ തട്ടിയെടുക്കാൻ ഹസൻകുട്ടി ശ്രമം നടത്തിയിരുന്നു
- ഉപ്പുതറയിൽ വിഷം കഴിച്ച എട്ടാം ക്ലാസ് വിദ്യാർഥി ചികിത്സയിലിരിക്കെ മരിച്ചു, അധ്യാപകർ അപമാനിച്ചതാണ് കാരണമെന്ന് ബന്ധുക്കൾ
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
