അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: സംസ്ഥാനത്ത് വിവിധ സ്ഥലങ്ങളിൽ നിന്നും ഇന്ന് പിടികൂടിയത് മാരക മയക്കുമരുന്നുകൾ. മഞ്ചേശ്വരത്ത് . സ്പോർട്സ് ടർഫിൽ വിതരണം ചെയ്യാൻ എത്തിച്ച 40 ഗ്രാം മെത്താഫിറ്റമിൻ എക്സൈസ് പിടികൂടി. സംഭവവുമായി ബന്ധപ്പെട്ട് ഉപ്പള സ്വദേശി മുഹമ്മദ്‌ ഇംതിയാസിനെഎക്സൈസ് അറസ്റ്റ് ചെയ്തു.
എറണാകുളം മരടിൽ എംഡിഎംഎയുമായി യുവാവ് പിടിയിലായി. 102 ഗ്രാം എംഡിഎംഎയുമായി ചേരനെല്ലൂർ സ്വദേശി അരുൺ സെൽവനാണ് പിടിയിലായത്. ബാംഗ്ലൂരിൽ നിന്ന് കൊച്ചിയിലേക്ക് വിൽപ്പനക്കായി കൊണ്ടുവന്നതാണ്. കൊച്ചി എസിപി രാജ് കുമാറിൻ്റെ നേതൃത്വത്തിൽ എറണാകുളം സൗത്ത് പൊലീസ് സംഘമാണ് പിടികൂടിയത്. രഹസ്യവിവരത്തെ തുടർന്ന് നടത്തിയ പരിശോധനയിലാണ് പ്രതി പിടിയിലായത്.
ലഹരി വസ്തുക്കൾ വിൽപന നടത്താനെത്തിയ മധ്യവയസ് കനെ കോഴിക്കോട് കൊണ്ടോട്ടിയിൽ നിന്നും പൊലീസ് അറസ്റ്റ് ചെയ്തു. ഐക്കരപ്പടി പതിനൊന്നാം മൈലിൽ വച്ച് കോഴിക്കോട് കല്ലായി പന്നിയങ്കര സ്വദേശി സൗദ മൻസിലിൽ ഷാഹുൽ ഹമീദ് (49) ആണ് പിടിയിലായത്. ഇയാളിൽ നിന്ന് 70 മില്ലിഗ്രാം എംഡിഎംഎ, 800 ഗ്രാം കഞ്ചാവ് എന്നിവ കണ്ടെടുത്തു.
