അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദമാം ∙ ഹൃദയാഘാതത്തെ തുടർന്ന് പ്രവാസി മലയാളി ദമാം ആശുപത്രിയിൽ അന്തരിച്ചു. ആലപ്പുഴ, കായംകുളം സ്വദേശി, ചേലപ്പുറം ജങ്ഷൻ, മണ്ണിൽ ജ്വലറി കുടുംബാംഗം, ഇഞ്ചക്കൽ പരേതനായ അബ്ദുൽ ഹക്കീമിന്‍റെയും കുഞ്ഞുമോൾ ഹക്കീമിന്‍റെയും മകൻ റിയാസ് മൻസിൽ, മുഹമ്മദ് നസീം(48) ആണ് മരിച്ചത്. വെള്ളിയാഴ്ച ഉച്ചക്ക് താമസസ്ഥലത്തു വെച്ച് നെഞ്ചുവേദന അനുഭവപ്പെട്ടതിനെ തുടർന്ന് ഒപ്പമുള്ളവർ പെട്ടെന്ന് ആശുപത്രിയിൽ എത്തിച്ചുവെങ്കിലും നില വഷളാവുകയായിരുന്നു. 25 വർഷമായി സൗദിയിൽ സ്വകാര്യ കമ്പനിയിൽ പ്രോജക്ട് എൻജിനീയറായി ജോലി ചെയ്തു വരികയായിരുന്നു.
മൃതദേഹം നാട്ടിൽ എത്തിക്കുന്നതിനുള്ള നിയമനടപടികൾ നവോദയപ്രവർത്തകരുടെയും, ജീവകാരുണ്യപ്രവർത്തകൻ നാസ് വക്കത്തിന്‍റെയും നേതൃത്വത്തിൽ പുരോഗമിക്കുന്നു. സംസ്കാരം പിന്നീട് നാട്ടിൽ നടക്കും. ഭാര്യ : റീജ. മക്കൾ : നേഹ, ലിയ, റിയാസ് (വിദ്യാർഥികൾ).
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
