അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഗുരുവായൂർ: ആര്യഭട്ട കോളേജ് പ്രിൻസിപ്പലിനെ മാസ്ക് ധരിച്ചെത്തിയ യുവാവ് കോളേജ് ഓഫീസിൽ കയറി മർദ്ദിച്ചു. സി. ജെ. ഡേവിഡിനെയാണ് (65)ആക്രമിച്ചത്.
ആക്രമണത്തിൽ മുഖത്തും തലക്ക് പിറകിലുമായി 9 തുന്നലുകളുണ്ട്.
ഇന്നലെ ഉച്ചകഴിഞ്ഞ് രണ്ടരയോടെ ആയിരുന്നു സംഭവം. നിലവിളി കേട്ട് മറ്റ് അധ്യാപകർ ഓടിയെത്തുമ്പോഴേക്കും അക്രമി കുതറി ഓടി. ബൈക്കിൽ മൂന്നുപേരാണ് കോളേജിനു സമീപം എത്തിയത്. ഒരാൾ ബൈക്കിന് അരികിൽ നിൽക്കുകയും മറ്റൊരാൾ കോളേജിന് പുറത്ത് കാത്തുനിൽക്കുകയുമായിരുന്നു. ആക്രമണത്തിനുശേഷം മൂന്നുപേരും ബൈക്കിൽ കയറി രക്ഷപെടുകയായിരുന്നു. കേസെടുത്തതായി പോലീസ് അറിയിച്ചു.
