അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇറ്റാനഗര്‍: സന്തോഷ് ട്രോഫി ഫൈനല്‍ റൗണ്ടില്‍ സ്വന്തം നാട്ടിൽ അരുണാചലിനെ കീഴടക്കി രണ്ടാം ജയത്തോടെ ആത്മവിശ്വാസം വീണ്ടെടുത്ത് കേരളം. യൂപിയിലെ ഗോള്‍ഡന്‍ ജൂബിലി സ്റ്റേഡിയത്തില്‍ ഗ്രൂപ്പ് എയില്‍ നടന്ന മത്സരത്തില്‍ എതിരില്ലാത്ത രണ്ട് രണ്ട് ഗോളുകൾക്കാണ് കേരളത്തിൻ്റെ ജയം.
ഇന്നത്തെ ജയത്തോടെ ഗ്രൂപ്പ് എയില്‍ നാല് കളികളില്‍ നിന്ന് ഏഴ് പോയന്റോടെ അസമിനെ പിന്തള്ളി മൂന്നാം സ്ഥാനത്തേക്കുയര്‍ന്ന കേരളം ക്വാര്‍ട്ടര്‍ ബര്‍ത്ത് ഏതാണ്ട് ഉറപ്പാക്കി. തോൽവിയോടെ അരുണാചൽ ടൂർണമെൻ്റിൽ നിന്നും പുറത്തായി.
മുപ്പത്തിയഞ്ചാം മിനിറ്റില്‍ ഹെഡറിലൂടെ ആഷിഖും അമ്പത്തിരണ്ടാം മിനിറ്റില്‍ വി. അര്‍ജുനുമാണ് കേരളത്തിനായി അരുണാചലിൻ്റെ ഗോൾ വല കുലുക്കിയത്.
4 മാറ്റങ്ങളുമായാണ് കേരളം ഇന്നിറങ്ങിയത്‌. പ്രതിരോധത്തില്‍ പരിക്കിന്റെ പിടിയിലുള്ള ബെല്‍ജിന് പകരം ആര്‍. ഷിനുവും മധ്യനിരയില്‍ വി. അര്‍ജുന് പകരം ഗിഫ്റ്റി ഗ്രേഷ്യസും റിസ്വാനലിക്ക് പകരം മുഹമ്മദ് സഫ്നീദും മുന്നേറ്റത്തില്‍ ഇ. സജീഷിന് പകരം മുഹമ്മദ് ആഷിഖും ആദ്യ ഇലവനിൽ കേരളത്തിനായി ഇറങ്ങി.
