അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോട്ടയം: മുണ്ടക്കയം പുഞ്ചവയലില്‍ ദമ്പതികള്‍ക്ക് വെട്ടേറ്റു. അതിര്‍ത്തി തര്‍ക്കത്തെ തുടര്‍ന്നാണ് സംഭവം. അയല്‍വാസിയുടെ കൊച്ചുമോനാണ് ദമ്പതികളെ വെട്ടി പരിക്കേല്‍പ്പിച്ചതെന്ന് പൊലീസ് പറഞ്ഞു. ഇന്ന് രാവിലെ പത്തിനായിരുന്നു സംഭവം. വെട്ടിപ്പരിക്കേല്‍പ്പിച്ച ശേഷം ഒളിവില്‍ പോയ ആള്‍ക്കായി പൊലീസ് തിരച്ചില്‍ തുടരുകയാണ്. പുഞ്ചവയൽ കണ്ടംങ്കേരി തോമസ്(77) ഭാര്യ ഓമന(55) എന്നിവർക്കാണ് വെട്ടേറ്റത്. അയൽക്കാരനായ പള്ളിത്തടത്തിൽ കൊച്ചുമോനാണ് ആക്രമണം നടത്തിയതെന്നാണ് ഇവരുടെ മൊഴി.
ബുധനാഴ്ച രാവിലെ ഒമ്പതരയോടെയായിരുന്നു സംഭവം. തോമസും ഭാര്യയും കുളിക്കാൻ പോകുന്നതിനിടെയാണ് വഴിയിൽവെച്ച് ഇരുവരെയും ആക്രമിച്ചത്. തോമസിന്റെ തലയിലും ഓമനയുടെ മുഖത്തുമാണ് വെട്ടേറ്റത്. നിലവിളി കേട്ടെത്തിയ നാട്ടുകാരാണ് ഇവരെ ആശുപത്രിയിൽ എത്തിച്ചത്.
ആദ്യം മുണ്ടക്കയത്തെ സർക്കാർ ആശുപത്രിയിൽ പ്രവേശിപ്പിച്ച ദമ്പതിമാരെ പിന്നീട് കോട്ടയം മെഡിക്കൽ ആശുപത്രിയിലേക്ക് മാറ്റി. അയൽക്കാർ തമ്മിലുള്ള തർക്കമാണ് ആക്രമണത്തിൽ കലാശിച്ചതെന്നാണ് പോലീസ് നൽകുന്നവിവരം.
