അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റിയാദ്: ഗ്യാലറിയെ നോക്കി അശ്ലീല ആംഗ്യം കാണിച്ചതിന് പോർച്ചുഗൽ സൂപ്പർതാരം ക്രിസ്റ്റ്യാനോ റൊണാൾഡോ വിവാദത്തിൽ. ഞായറാഴ്ച രാത്രി അൽ ഷബാബിനെ പരാജയപ്പെടുത്തിയ ശേഷം വിജയാഹ്ലാദം പ്രകടിപ്പിക്കവെയാണ് റൊണാൾഡോ ഗ്യാലറിയിലേക്ക് നോക്കി അശ്ലീല ആംഗ്യം കാണിച്ചത്.
റൊണാൾഡോയെ പ്രകോപിപ്പിക്കാൻ ഷബാബ് ആരാധകർ നടത്തിയ ‘മെസി’ വിളിയാണ് പ്രശ്നങ്ങൾക്ക് കാരണമെന്നാണ് പുറത്ത് വന്ന് ദൃശ്യങ്ങൾ വ്യക്തമാകുന്നത്. മത്സരത്തിലുടനീളം ഗ്യാലറിയിൽ മെസി.. മെസി വിളി മുഴക്കി റൊണാൾഡോയെ പ്രകോപിപ്പിക്കാൻ ആരാധകർ ശ്രമിച്ചിരുന്നു. ഇതാണ് മത്സര ശേഷം ആരാധകരെ നോക്കി കൈ കൊണ്ട് അശ്ലീല ആംഗ്യം കാണിക്കാൻ ക്രിസ്റ്റ്യാനോയെ പ്രേരിപ്പിച്ചതെന്നാണ് റിപ്പോർട്ടുകൾ.
സംഭവത്തിൽ ഔദ്യോഗിക പ്രതികരണങ്ങൾ ഒന്നും എത്തിയില്ലെങ്കിലും ദേശീയ ഫുട്ബോൾ ഫെഡറേഷൻ (സാഫ്) സംഭവത്തെക്കുറിച്ച് അന്വേഷണം ആരംഭിച്ചതായി സൗദി പത്രമായ അഷർഖ് അൽ-ഔസത്ത് റിപ്പോർട്ട് ചെയ്യുന്നു. സംഭവം ടെലിവിഷനിൽ കാണിച്ചില്ലെങ്കിലും റൊണാൾഡൊക്കെതിരെ നടപടി വേണമെന്നാണ് സമൂഹ്യമാധ്യമങ്ങളിൽ ഉയരുന്ന ആവശ്യം.ഇതോടെ സൗദി പ്രൊ ലീഗിൽ വിജയ കുതിപ്പ് തുടരുന്ന അൽ നസ്റിനെ പ്രതിരോധത്തിലാക്കി നായകൻ ക്രിസ്റ്റ്യാനോ റൊണാൾഡോയുടെ നടപടി.
അൽ ഷബാബ് എഫ്.സി സ്റ്റേഡിയത്തിൽ നടന്ന മത്സരത്തിൽ രണ്ടിനെതിരെ മൂന്ന് ഗോളുകൾക്കായിരുന്നു അൽ നസ്റിന്റെ ജയം. സൗദി ക്ലബിനായി ക്രിസ്റ്റ്യാനോ റൊണാൾഡോ ഒരു ഗോൾ നേടിയപ്പോൾ ബ്രസിലീയൻ താരം ടലിസ്ക ഇരട്ടഗോളും സ്വന്തമാ
