ര​ണ്ട് പ​തി​റ്റാ​ണ്ടോ​ളം സൗദിയിൽ ഹോ​ട്ട​ൽ ജോലി; സ്ഥാ​പ​നം വി​റ്റ​തോടെ ജോലിപോയി: ‘ദുരിതജീവിത’ത്തിന് തുണയായി നന്മയുടെ കരങ്ങൾ

അ​ൽ​അ​ഹ്​​സ ∙ രോ​ഗം ബാ​ധി​ച്ചു ദു​രി​ത​ത്തി​ലാ​യ തി​രു​വ​ന​ന്ത​പു​രം ക​ള്ളി​യോ​ട് സ്വ​ദേ​ശി അ​ലി​യാ​ർ കു​ഞ്ഞ്​ ബഷീ​റി​ന് തുണയായി അ​ൽ​അ​ഹ്​​സ ഒഐസിസി. ര​ണ്ട് പ​തി​റ്റാ​ണ്ടോ​ളം സ്പോ​ൺ​സ​റു​ടെ കീ​ഴി​ൽ ഹോ​ട്ട​ൽ ജോലി ചെ​യ്​​ത ബ​ഷീ​റി​ന്, സ്ഥാ​പ​നം മ​റ്റൊ​രാ​ൾ​ക്ക് വി​റ്റ​ത്​ കാ​ര​ണം ജോ​ലി ന​ഷ്​​ട​പ്പെ​ടു​ക​യാ​യി​രു​ന്നു. മൂ​ന്ന് വ​ർ​ഷം ഒ​ളി​ച്ച്​ വി​വി​ധ സ്ഥാ​പ​ന​ങ്ങ​ളി​ൽ താ​ൽ​ക്കാ​ലി​ക ജോ​ലി ചെ​യ്തു​വ​രു​ന്ന​തി​നി​ടെ താ​മ​സ​രേ​ഖ സ്പോ​ൺ​സ​ർ പു​തു​ക്കാ​തായതോടെ ദുരിതത്തിലായി.

പ്ര​വാ​സി സു​ഹൃ​ത്തു​ക്ക​ളു​ടെ സ​ഹാ​യ​ത്താ​ൽ ര​ണ്ടു വ​ർ​ഷം ത​ള്ളി​നീ​ക്കി. പ്രാ​യാ​ധി​ക്യ​ത്താ​ൽ അ​വ​ശ​നും, ഭാര്യയും മൂ​ന്ന് മ​ക്ക​ളു​മ​ട​ങ്ങു​ന്ന കു​ടും​ബ​ത്തി​ന്റെ ആ​ശ്ര​യ​മാ​യ ബ​ഷീ​ർ നാ​ട്ടി​ലെ​ത്താ​നാ​യി സു​ഹൃ​ത്ത് അ​ജീ​ബ് മു​ഖാ​ന്തി​രം ഒഐസിസി​യു​ടെ സ​ഹാ​യം തേ​ടു​ക​യാ​യി​രു​ന്നു. ജീ​വ​കാ​രു​ണ്യ വി​ഭാ​ഗം ക​ൺ​വീ​ന​ർ പ്ര​സാ​ദ് ക​രു​നാ​ഗ​പ്പ​ള്ളി വി​ഷ​യ​ത്തി​ലി​ട​പെ​ടു​ക​യും ഇ​ന്ത്യ​ൻ എം​ബ​സി​യെ ബ​ന്ധ​പ്പെ​ട്ട് ഫൈ​ന​ൽ എ​ക്സി​റ്റ് ത​ര​പ്പെ​ടു​ത്തു​ക​യും ചെ​യ്തു. പ്ര​സാ​ദ് ക​രു​നാ​ഗ​പ്പ​ള്ളി, കെ.​പി. നൗ​ഷാ​ദ് എ​ന്നി​വ​രു​ടെ സാ​ന്നി​ധ്യ​ത്തി​ൽ വൈ​സ് പ്ര​സി​ഡ​ൻ​റ്​ ന​വാ​സ് കൊ​ല്ലം അ​ലി​യാ​ർ കു​ഞ്ഞ്​ ബ​ഷീ​റി​ന് യാ​ത്രാ​രേ​ഖ​ക​ൾ കൈ​മാ​റി.

അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ