അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.1. അടുപ്പ് കത്തിക്കുന്നതിന് മണ്ണെണ്ണയോ മറ്റ് ദ്രവ ഇന്ധനങ്ങളോ ഉപയോഗിക്കാതിരിക്കുക. ഇത്തരം ഇന്ധനങ്ങള് കൈവശം സൂക്ഷിക്കാതിരിക്കുക.
2. പെട്രോള് പമ്പുകള്, ട്രാന്സ് ഫോര്മറുകള് എന്നിവയ്ക്ക് സമീപം അടുപ്പ് കത്തിക്കരുത്. നിര്ത്തിയിട്ടിരിക്കുന്ന വാഹനങ്ങളില് നിന്നും സുരക്ഷിതമായ അകലം പാലിച്ച് മാത്രം അടുപ്പ് കത്തിക്കുക.
3. ഭക്തജനങ്ങള് മുഖാമുഖമായി നില്ക്കുന്ന നിലയില് അടുപ്പുകള് ക്രമീകരിക്കുക. പൊങ്കാലയിടുന്ന ഒരാള്ക്ക് പിന്നിലായി മറ്റൊരു അടുപ്പ് വരാതിരിക്കാന് പ്രത്യേകം ശ്രദ്ധിക്കുക.
4. അടുപ്പുകള് തമ്മില് സുരക്ഷിത അകലം പാലിക്കുക.
5. സാരിത്തുമ്പുകള്, ഷാളുകള്, അയഞ്ഞ വസ്ത്രങ്ങള് എന്നിവ ശരീരത്തോട് ചേര്ത്ത് ചുറ്റിവയ്ക്കുക. വസ്ത്രത്തിന്റെ തുമ്പ് അലക്ഷ്യമായി നീണ്ടുകിടക്കുന്നത് ഒഴിവാക്കുക.
6. അത്യാവശ്യമുണ്ടായാല് തീ അണയ്ക്കുന്നതിന് ഉപയോഗിക്കുന്നതിനായി സമീപത്തായി അല്പം വെള്ളം കരുതുക.
7. പെര്ഫ്യൂം ബോട്ടിലുകള്, സാനിറ്റൈസറുകള് എന്നിവ കൈവശം സൂക്ഷിക്കാതിരിക്കുക.
8. അടുപ്പ് കത്തിക്കുന്നതിന് മുന്പായി അധികമുള്ള വിറക് സുരക്ഷിതമായി മാറ്റിവയ്ക്കുക.
9. അടുപ്പ് കത്തിച്ച ശേഷം അണയ്ക്കുന്നതിനു മുന്പായി അവരവരുടെ സ്ഥാനം വിട്ട് മാറാതിരിക്കുക. അടുപ്പില് നിന്നും പുറത്തേയ്ക്ക് തീ പടരുന്നില്ല എന്നത് ഉറപ്പാക്കുക.
10. പൊങ്കാലയ്ക്ക് ശേഷം അടുപ്പ് പൂര്ണ്ണമായി അണഞ്ഞതായിഉറപ്പാക്കിയ ശേഷം മാത്രം സ്ഥാനം വിട്ട് പോകുക. അടുപ്പില് നിന്നും മാറ്റുന്ന വിറകില് നിന്നും മറ്റ് വസ്തുക്കളിലേയ്ക്ക് തീ പടരാതിരിക്കുന്നതിനായി അത് പൂര്ണ്ണമായി അണച്ചു എന്ന് ഉറപ്പാക്കുക.
11.വസ്ത്രങ്ങളില് തീ പിടിച്ചാല് നിലത്തുകിടന്ന് ഉരുളുക. സമീപത്ത് നില്ക്കുന്നവര് വെള്ളമൊഴിച്ചോ കട്ടിയുള്ള തുണികൊണ്ട് മൂടിയോ തീ അണയ്ക്കുക.
12.കുട്ടികളെ പൊങ്കാല അടുപ്പിന് സമീപം നില്ക്കുന്നതിന് അനുവദിക്കാതിരിക്കുക.
13. അടിയന്തിര സാഹചര്യങ്ങളില് ഫയര് ഫോഴ്സ് / പോലീസ് വാഹനങ്ങള്, ആംബുലന്സ് എന്നിവയുടെ സുഗമമായ യാത്ര ഉറപ്പുവരുത്തുന്നതിനായുള്ള സ്ഥലം ഒഴിവാക്കി മാത്രം അടുപ്പ് കത്തിക്കുക.
14. ഡ്യൂട്ടിയിലുള്ള ഫയര് ഫോഴ്സ് / പോലീസ് സേനാംഗങ്ങളുടെ സുരക്ഷ നിര്ദ്ദേശങ്ങള് അനുസരിയ്ക്കുക.
15.ഹൈഡ്രജന് ബലൂണുകളും സമാന വസ്തുക്കളും തീര്ത്തും ഒഴിവാക്കുക.
അടിയന്തിര ഘടത്തില് 101 ല് ബന്ധപ്പെടുക.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
