കോയമ്പത്തൂർ : റൂറൽ അഗ്രിക്കൾച്ചറൽ വർക്ക്‌ എക്സ്പീരിയൻസിന്റെ ഭാഗമായി അമൃത കാർഷിക കോളേജിലെ മലയാളികളുൾപ്പടെയുള്ള 15 അംഗ വിദ്യാർഥികൾ ചേർന്ന് സൊളവംപാളയം പഞ്ചായത്തിൽ കർഷകർക്കായി അസോളയുടെ സാധ്യതകളെപ്പറ്റി ബോധവൽക്കരണം സംഘടിപ്പിച്ചു .ക്ലാസ്സിൽ അസോള വളർത്തലിന്റെ വിവിധങ്ങളായ സ്റ്റെപ്പുകൾ കുട്ടികൾ കർഷകർക്ക് പരിചയപ്പെടുത്തി.
അസോളാ എന്ന വെള്ളത്തിൽ വളരുന്ന ചെടിയെപ്പറ്റിയും അത് മണ്ണിലുണ്ടാക്കുന്ന മാറ്റങ്ങളെപ്പറ്റിയും കുട്ടികൾ കർഷകർക്കായി വിവരിച്ചു .മണ്ണിൽ നൈട്രജന്റെ അളവ് കൂട്ടുന്ന ഈ ചെടി പശുക്കൾക്കു തീറ്റയായി ഉപയോഗിക്കാം എന്നത് കർഷകർ ക്ലാസ്സ്‌ കൂടുതൽ സ്വീകരിക്കുന്നതിനു കാരണമായി.
Read more ….
കോളേജ് ഡീൻ ഡോ. സുധീഷ് മണലിൽ, ഗ്രൂപ്പ്‌ ഫെസിലിറ്റേറ്റർമാരായ ഡോ. കുമരേശൻ എസ്, ഡോ. രാധിക എ.എം, ഡോ. കറുപ്പുസാമി വിക്രമൻ എന്നിവരുടെ നേതൃത്വത്തിലായിരുന്നു പരിപാടി.ആഷിക, അനുരഞ്ജ്, ആദിത്യ, കിഷോർ, കാർത്തിക്, ഗാൽവിൻ, ലക്ഷ്മി, ഐശ്വര്യ, അശ്വതി, ഫെമി, പൂർണിമ, സാന്ദ്ര, തീർത്ഥ, ശാബ്‌ദി, ശ്രേയ എന്നിവരാണ് പരിപാടി സംഘടിപ്പിച്ചത്.