അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജിദ്ദ- പ്രശസ്ത നടൻ ദിലീപ് സ്വകാര്യസന്ദർശനത്തിനായി ജിദ്ദയിലെത്തി. മദീനാ റോഡ് ലുലു ഹൈപ്പർമാർക്കറ്റിന്റെ ഗ്രൗണ്ട് ഫ്‌ളോറിൽ പുതുതായി ആരംഭിക്കുന്ന ‘ദേ പുട്ട്’ എന്ന സംരംഭത്തിന്റെ പ്രവർത്തനങ്ങൾ വിലയിരുന്നതനാണ് ദിലീപിന്റെ പെട്ടന്നുള്ള സന്ദർശനം .അസീസിയയിൽ കേളികൊട്ടുയർന്ന ഗുഡ്‌ഹോപ് ആർട്‌സ് അക്കാദമിയിലെ വിവിധ കലകളുടെ അധ്യയനവും അഭിനയ പാഠവുമായി കഴിയുന്ന വിദ്യാർഥികളുടേയും അധ്യാപകരുടേയും സേവനം പ്രവാസലോകത്തെ അഭിനന്ദനാർഹമായ സംരംഭമാണെന്ന് അവിടെ സന്ദർശനം നടത്തിയ ദിലീപ് അഭിപ്രായപ്പെട്ടു. ഗുഡ്‌ഹോപിലെ കലാവിദ്യാർഥികൾക്കാവശ്യമായ എല്ലാ പിന്തുണയും അദ്ദേഹം വാഗ്ദാനം ചെയ്തു. അരങ്ങിലേയും അണിയറയിലേയും നൂതനസംരംഭങ്ങളിലൂടെ കലയുടെ പുതിയ വെളിച്ചം ചൊരിയാനുള്ള എല്ലാ ശ്രമങ്ങളും പ്രോൽസാഹിപ്പിക്കപ്പെടേണ്ടതുണ്ടെന്നും ദിലീപ് അഭിപ്രായപ്പെട്ടു.
ജുനൈസിന്റെ നേതൃത്വത്തിൽ ഗുഡ്‌ഹോപ് സാരഥികളും അധ്യാപകരും ദിലീപിനെ അക്കാദമിയിൽ സ്വീകരിച്ചു.
ഗുഡ്‌ഹോപ് ഇന്റർനാഷനൽ റസ്‌റ്റോറന്റ് എസ്റ്റാബ്ലിഷ്‌മെന്റിന്റെ സാരഥ്യത്തിൽ ലുലു ഗ്രൗണ്ട് ഫ്‌ലോറിൽ തന്നെ ആരംഭിക്കുന്ന ‘ആദാമിന്റെ ചായപീടിയ’ യുടെ ഉദ്ഘാടനം 15 ന് വ്യാഴാഴ്ച അസർ നമസ്‌കാരശേഷം നടക്കുമെന്ന് ജുനൈസ് അറിയിച്ചു.
