അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: പാര്‍ട്ടിയും സര്‍ക്കാരും ഒന്നല്ലെന്ന് സി.പി.എം സംസ്ഥാന സെക്രട്ടറി എം.വി ഗോവിന്ദന്‍. സര്‍ക്കാരിന് പാര്‍ട്ടി നിലപാടുകള്‍ മുഴുവന്‍ നടപ്പിലാക്കാനാകില്ലെന്നും എം.വി ഗോവിന്ദന്‍. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.
വിദേശ സർവകലാശാല വിഷയം പരിശോധിക്കുമെന്ന് മാത്രമാണ് ധനമന്ത്രി പറഞ്ഞത്. വിദ്യാഭ്യാസരംഗത്തെ സ്വകാര്യ മൂലധന നിക്ഷേപം നേരത്തെ ആരംഭിച്ചതാണ്. ഇക്കാര്യം കേരളം ചർച്ച ചെയ്യണം. വിദേശ സർവകലാശാല ഉൾപ്പെടെയുള്ളവയെ സി.പി.എം അംഗീകരിക്കില്ല. സി.പി.എം നിലപാട് അതേപടി നടപ്പാക്കാൻ ഇടതുമുന്നണിക്ക് കഴിയില്ല. എല്ലാവരുമായി ചർച്ച വേണമെന്നാണ് സർക്കാർ ആഗ്രഹിക്കുന്നത്. പൊതുവിദ്യാഭാസത്തോടുള്ള പ്രതിബദ്ധതയും സുതാര്യതയും തുല്യതയും നിലനിർത്തിക്കൊണ്ടാവും ചർച്ച.
സർക്കാർ ഡൽഹിയിൽ നടത്തിയ സമരം രാഷട്രീയ വിജയമാണ്. കേരളത്തിനെതിരെയുള്ള സാമ്പത്തിക ഉപരോധത്തെ രാജ്യമാകെ അറിയിക്കാൻ സാധിച്ചു. ഇടതുപക്ഷം ശബ്ദമുയർത്തുന്നത് രാജ്യത്തെ ഫെഡറൽ സംവിധാനത്തിന് വേണ്ടി. ബി.ജെ.പിയെ പിന്തുണയ്ക്കുന്ന നിലപാടാണ് കേരളത്തിലെ യു.ഡി.എഫുകാർ സ്വീകരിച്ചത്. കർണാടകയിലെ കോൺഗ്രസ് സർക്കാർ കേന്ദ്രത്തിനെതിരെ നടത്തിയ സമരം അവരുടേത് മാത്രമായി ചുരുങ്ങി.
തിരഞ്ഞെടുപ്പ് അടുത്തിരിക്കുന്ന സാഹചര്യത്തിൽ ചില മാധ്യമങ്ങൾ പിണറായി വിജയന്റേയും മകളുടെ കമ്പനിയുടേയും പേര് വലിച്ചിഴയ്ക്കുന്നു. രാഷട്രീയ പ്രേരിതമായി ബി.ജെ.പി മുഖ്യമന്ത്രിയെ ലക്ഷ്യമിടുന്നു. എസ്.എഫ്.ഐ.ഒ അന്വേഷണം അതിന്റെ ഭാഗമാണ്. ഇതിനെല്ലാം പുറകിൽ കൃത്യമായ അജണ്ടയുണ്ട്.
- തൃപ്പൂണിത്തുറ തെരഞ്ഞെടുപ്പ് കേസിൽ കെ ബാബുവിന് തിരിച്ചടി; എം സ്വരാജ് നൽകിയ ഹർജി നിലനിൽക്കുമെന്ന് കോടതി
- മഹാരാഷ്ട്രയിൽ കോൺഗ്രസിന് തിരിച്ചടി; മുൻ മുഖ്യമന്ത്രി അശോക് ചവാൻ കോൺഗ്രസ് വിട്ടു
- സമാജ്വാദി പാര്‍ട്ടിയുടെ പ്രതിനിധിയായി ബോളിവുഡ് താരം ജയ ബച്ചന്‍ വീണ്ടും രാജ്യസഭയിലേക്ക്
- തെരഞ്ഞെടുപ്പ് ഫലം വൈകുന്നു: ഇലക്ട്രോണിക് വോട്ടിങ് മെഷീനുകളെ പ്രകീർത്തിച്ച് പാകിസ്‍താൻ പ്രസിഡന്റ്
- ബോധമില്ലാത്ത ആനയല്ല, കഴിവുകെട്ട സര്‍ക്കാരാണ് പ്രതി; ജനങ്ങളുടെ ജീവനും സ്വത്തും സംരക്ഷിക്കുന്നതില്‍ സര്‍ക്കാര്‍ പരാജയപ്പെട്ടു; വി ഡി സതീശൻ
എസ്.എഫ്.ഐ.ഒ അന്വേഷണം ആവശ്യപ്പെട്ട് കത്ത് നൽകിയത് ഷോൺ ജോർജാണ്. പിസി ജോർജും മകൻ ഷോൺ ജോർജും ബിജെപിയിൽ ചേർന്നതിന് പിന്നാലെയാണ് അന്വേഷണം പ്രഖ്യാപിച്ചത്. ഇതിന് പിന്നിലെയുള്ള രാഷ്ട്രീയ അജണ്ട പകൽ പോലെ വ്യക്തമാണ്. പിന്നിൽ കൃത്യമായ ഗൂഢാലോചനയുണ്ട്. അപവാദ കള്ള പ്രചാരണങ്ങളെ സിപിഎം എതിർക്കും.കോൺഗ്രസിനെ ക്ഷണിക്കാതെ പ്രേമചന്ദ്രനെ വിരുന്നു പങ്കാളിയാക്കാൻ ബിജെപിയുടെ ശ്രമം. മുഖ്യമന്ത്രിയുടെ ക്രിസ്മസ് വിരുന്ന് യു.ഡി.എഫ് ബഹിഷ്കരിച്ചത് ഏത് സംസ്കാരത്തിൻറെ അടിസ്ഥാനത്തിലാണെന്ന് ഇപ്പോൾ യു.ഡി.എഫ് നേതാവായ പ്രേമചന്ദ്രൻ മറുപടി പറയണമെന്നും അദ്ദേഹം ആവശ്യപ്പെട്ടു.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
