അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കട്ലറ്റ് ഇറച്ചിയിലും പചക്കറിയിലും തയാറാക്കാമെങ്കിലും ബീഫ് കട്ലറ്റ് തന്നെയാണ് രുചിയിൽ മുമ്പിൽ നിൽക്കുന്നത്. ഒരു ബീഫ് കട്ലറ്റ് ഉണ്ടാക്കാം
ആവശ്യമായ ചേരുവകൾ
ബീഫ് -1/2 കിലോഗ്രാം
ഉള്ളി – 3 കപ്പ്
ഉരുളക്കിഴങ്ങ് – 3
ഇഞ്ചി – 2 ടേബിൾ സ്പൂൺ
പച്ചമുളക് – 2
മഞ്ഞൾ പൊടി – 1/2 ടീ സ്പൂൺ
ഗരം മസാല – 1 – 1.5 ടീ സ്പൂൺ
കുരുമുളകുപൊടി – 1 ടീ സ്പൂൺ
ഉപ്പ് – ആവശ്യത്തിന്
തയാറാക്കുന്ന വിധം
കുക്കറിൽ ഉരുളക്കിഴങ്ങു വേവിച്ചുടച്ചു വയ്ക്കുക.
പ്രഷർ കുക്കറിൽ ഇറച്ചിയും മഞ്ഞൾ പൊടിയും ഗരം മസാല പൊടിയും കുരുമുളകുപൊടിയും ഉപ്പും ചേർത്തു മയത്തിൽ വേവിച്ചെടുത്തു ചതച്ചെടുക്കുക.
ഫ്രൈയിങ് പാനിൽ ഉള്ളി, ഇഞ്ചി, പച്ചമുളക്, കറിവേപ്പില എന്നിവ വഴറ്റുക.
മസാല പൊടിയും കുരുമുളകുപൊടിയും ചേർത്തു വഴറ്റി എടുക്കുക.
ഒട്ടും വെള്ളത്തിന്‍റെ അംശം ഇല്ലാതെ ആക്കിയെടുക്കണം. ഇതിൽ ഉടച്ചുവച്ച ഉരുളക്കിഴങ്ങു ചേർത്തു തീ ഓഫ് ചെയ്തു തണുക്കാൻ വയ്ക്കാം.
ശേഷം ഇറച്ചിയുമായി ചേർത്തു കൈ കൊണ്ടു യോജിപ്പിച്ചു ഉരുളകളാക്കി കട്ലറ്റ് ആകൃതിയിൽ പരത്തി വയ്ക്കുക.
രണ്ടു പാത്രങ്ങളിലായി മുട്ടയും ബ്രഡ് പൊടിച്ചതും എടുക്കുക.
കട്ലറ്റ് ആദ്യം മുട്ടയിലും ശേഷം ബ്രഡ് പൊടിയിലും മുക്കിയെടുത്തു ചൂടായ എണ്ണയിൽ രണ്ടുവശവും ബ്രൗൺ കളർ ആകുന്നതുവരെ വറുത്തെടുക്കുക. ബീഫ് കട്ലറ്റ് റെഡി.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
