അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മഡ്രിഡ്: ഫൈനൽ വിസിലിനു വെറും ഒരേയൊരു മിനിറ്റ് മുൻപ് റയൽ മഡ്രിഡിനു കാലിടറി! നഗരവൈരികളായ അത്‌ലറ്റിക്കോ മഡ്രിഡിനെ ഒരു മാസത്തിനിടെ രണ്ടാം തവണയും തോൽപിക്കാനുള്ള സുവർണാവസരം കളഞ്ഞു കുളിച്ച റയൽ, സ്പാനിഷ് ലാലിഗ ഫുട്ബോൾ പോയിന്റ് പട്ടികയിൽ 4 പോയിന്റ് ലീഡും നഷ്ടപ്പെടുത്തി. ഇൻജറി ടൈമിൽ നേടിയ ഗോളിൽ അത്‌ലറ്റിക്കോ മഡ്രിഡ് റയലിനെ 1–1 സമനിലയിൽ പിടിച്ചു.
ബ്രാഹിം ഡയസിന്റെ ഗോളിൽ 20–ാം മിനിറ്റിൽ റയൽ ലീഡ് നേടിയിരുന്നു. എന്നാ‍ൽ, ഇൻജറി ടൈമിൽ (90+3) മാർക്കോസ് ലോറന്റെ അത്‌ലറ്റിക്കോയുടെ സമനില ഗോൾ കണ്ടെത്തി. ഒന്നാം സ്ഥാനത്തുള്ള റയലിനു ജിറോണയെക്കാൾ 2 പോയിന്റ് ലീഡാണു നിലവിൽ. അടുത്തയാഴ്ച ഇരുടീമും പരസ്പരം ഏറ്റുമുട്ടും.
