നിരത്തിലെ ടാറ്റയുടെ ആധിപത്യം തകർക്കാൻ കച്ചമുറുക്കി മാരുതി, ഇലക്ട്രിക് സെഗ്‌മെന്റിൽ അപ്രതീക്ഷിത നീക്കം

രാജ്യത്തെ ഏറ്റവും വലിയ വാഹന നിർമ്മാതാക്കളായ മാരുതി സുസുക്കിക്ക് ഇന്ത്യൻ വിപണിയിൽ ആരാധകർ ഏറെയാണ്. വിൽപ്പനയിൽ മുന്നിൽ നിൽക്കുമ്പോഴും രാജ്യത്തെ ജനപ്രിയ വാഹന സെഗ്‌മെൻറുകൾ അടക്കിവാഴുന്ന കമ്പനിക്ക് ഇനിയും ഇലക്ട്രിക് സെഗ്‌മെൻറ് കൈപ്പിടിയിലൊതുക്കാൻ കഴിഞ്ഞിട്ടില്ല. അതുകൊണ്ട് തന്നെ ജനപ്രിയ ടാറ്റ ആധിപത്യം പുലർത്തുന്ന ഇലക്ട്രിക് സെഗ്‌മെന്റിൽ തന്റേതായൊരിടം കണ്ടെത്താനുള്ള ശ്രമത്തിലാണ് മാരുതി.

നിലവിൽ ഇന്ത്യയിലെ ഇലക്ട്രിക് സെഗ്‌മെൻറ് കാർ വിപണിയുടെ 75 ശതമാനവും ടാറ്റ കയ്യടക്കി വച്ചിരിക്കുകയാണ്.അത്തരമൊരു സാഹചര്യത്തിൽ, ഇപ്പോൾ ഇലക്ട്രിക് സെഗ്‌മെൻറിലേക്കും പ്രവേശിക്കാൻ പോകുകയാണ് മാരുതി സുസുക്കി. അടുത്ത കുറച്ച് വർഷത്തിനുള്ളിൽ മൂന്ന് പുതിയ ഇലക്ട്രിക് ഹാച്ച്ബാക്കുകളും എസ്‌യുവികളും പുറത്തിറക്കാൻ പോകുകയാണ് മാരുതി. മാരുതിയുടെ വരാനിരിക്കുന്ന ഇലക്ട്രിക് കാറുകളെക്കുറിച്ച് വിശദമായി അറിയാം.

മാരുതി ഇവിഎക്‌സ് എസ്‌യുവി

മാരുതി സുസുക്കി മിഡ്-സൈസ് എസ്‌യുവി ഇവിഎക്‌സുമായി ഇന്ത്യയിൽ ഇവി അരങ്ങേറ്റം കുറിക്കും. വരാനിരിക്കുന്ന മാരുതി കാർ അഞ്ച് സീറ്റർ സെഗ്‌മെൻറിൽ എത്തുമെന്ന് പ്രതീക്ഷിക്കുന്നു. ഈ കാറുകൾ വിപണിയിൽ ഹ്യുണ്ടായ് ക്രെറ്റ, ഹാരിയർ ഇവി എന്നിവയുമായി മത്സരിക്കും. നിരവധി മാധ്യമ റിപ്പോർട്ടുകൾ പ്രകാരം, വരാനിരിക്കുന്ന മാരുതി eVX ഒറ്റ ചാർജ്ജിൽ പരമാവധി 550 കിലോമീറ്റർ റേഞ്ച് നൽകും.

മാരുതിയുടെ ഇലക്ട്രിക് എംപിവി (വൈഎംസി)

മാരുതി സുസുക്കി വലിയ കുടുംബ ഉപഭോക്താക്കളെ ലക്ഷ്യമിട്ട് ബോൺ-ഇവി ആർക്കിടെക്ചറിനെ അടിസ്ഥാനമാക്കി ഒരു പുതിയ ഇലക്ട്രിക് എംപിവി പുറത്തിറക്കാൻ ഒരുങ്ങുന്നു. ടൊയോട്ട സംയുക്തമായാണ് ഇത് വികസിപ്പിക്കുന്നത്. മാരുതിയുടെ ആദ്യ ഇലക്ട്രിക് എംപിവിയാണിത്. ഇത് 2026 സെപ്റ്റംബറിൽ പുറത്തിറങ്ങുമെന്ന് പ്രതീക്ഷിക്കുന്നു. വരാനിരിക്കുന്ന എംപിവി മൂന്ന് വരി കാറായിരിക്കും എന്നാണ് റിപ്പോര്‍ട്ടുകൾ.

സുസുക്കി ചെറിയ ഇലക്ട്രിക് ഹാച്ച് (കെ-ഇവി)

മോഡുലാർ ഇലക്‌ട്രിക് പ്ലാറ്റ്‌ഫോമിൽ (കെ-ഇവി) കുറഞ്ഞ ചെലവിൽ ഇവി വികസിപ്പിക്കുകയാണ് മാരുതി. മാരുതിയുടെ ആദ്യ മോഡൽ ജപ്പാൻ മൊബിലിറ്റി ഷോയിൽ കാണിച്ച eWX ആശയത്തെ അടിസ്ഥാനമാക്കിയുള്ള ഒരു പുതിയ ഇവി ആയിരിക്കാൻ സാധ്യതയുണ്ട്. 2026-27ൽ ഈ മോഡൽ ഇന്ത്യയിൽ അവതരിപ്പിക്കാനാകും. വരാനിരിക്കുന്ന മാരുതി ഹാച്ച്ബാക്കിൻ വില മറ്റ് ഇലക്ട്രിക് കാറുകളേക്കാൾ കുറവായിരിക്കാനാണ് സാധ്യത എന്നാണ് റിപ്പോര്‍ട്ടുകൾ.

അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ