അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റിയാദ്: കെ.എം.സി.സി കോട്ടക്കൽ മണ്ഡലം കമ്മിറ്റി ‘വിൻറർ ഫെസ്റ്റ് 2024’ സംഘടിപ്പിച്ചു. റിയാദ് എക്സിറ്റ് 18ൽ നടന്ന പരിപാടിയിൽ കുടുംബിനികളടക്കം മണ്ഡലത്തിൽ നിന്നുള്ള നിരവധി പേർ പങ്കെടുത്തു. ഫുട്ബാൾ, ക്രിക്കറ്റ് മത്സരങ്ങളും കലാപരിപാടികളും അരങ്ങേറി.
എക്സിറ്റ് 18ലെ ദാർ അൽമനാഖ് ഇസ്തിറാഹയിൽ നടന്ന പരിപാടി മലപ്പുറം ജില്ല കെ.എം.സി.സി വൈസ് പ്രസിഡൻറും നാഷനൽ കെ.എം.സി.സി സ്പോർട്സ് വിങ് കൺവീനറുമായ മൊയ്‌ദീൻ കുട്ടി പൊന്മള ഉദ്ഘാടനം ചെയ്തു. മണ്ഡലം പ്രസിഡൻറ്‌ എം.പി. ബഷീർ അധ്യക്ഷത വഹിച്ചു. ഫുട്ബാൾ, ക്രിക്കറ്റ് മത്സരത്തിൽ കോട്ടക്കൽ മണ്ഡലത്തിലെ വിവിധ പഞ്ചായത്ത്‌, മുനിസിപ്പൽ ടീമുകൾ ഏറ്റുമുട്ടി. ഫുട്ബാളിൽ വളാഞ്ചേരി മുനിസിപ്പാലിറ്റി ജേതാക്കളായി. കോട്ടക്കൽ മുനിസിപ്പാലിറ്റി റണ്ണർ അപ്പ് ആയി. ശഹദ് മികച്ച കളിക്കാരനും ശിഹാബ് ഗോൾ കീപ്പറുമായി. ടോപ് സ്കോററായി റൈഹാൻ തിരഞ്ഞെടുക്കപ്പെട്ടു.
ക്രിക്കറ്റിൽ വളാഞ്ചേരി മുനിസിപ്പാലിറ്റി വിജയികളായി. മാറാക്കര പഞ്ചായത്താണ് റണ്ണർ അപ്. മികച്ച കളിക്കാരനായി അഷ്‌റഫ്‌ പുറമണ്ണൂർ തെരഞ്ഞെടുക്കപ്പെട്ടു. മൊയ്‌ദീൻ കുട്ടി പൊന്മളയെ മണ്ഡലം പ്രസിഡൻറ്‌ എം.പി. ബഷീർ ഷാൾ അണിയിച്ച് ആദരിച്ചു. നാഷനൽ കമ്മിറ്റി കുടുംബ സുരക്ഷ പദ്ധതിയിൽ കോട്ടക്കൽ മണ്ഡലത്തിൽനിന്ന് കൂടുതൽ പേരെ ചേർത്ത അഷ്‌റഫ്‌ പുറമണ്ണൂർ, ഫൈസൽ എടയൂർ, മണ്ഡലം കെ.എം.സി.സിയുടെ നോർക്ക ഐ.ഡി-പ്രവാസി പെൻഷൻ പദ്ധതി ഹെൽപ് ഡെസ്ക് കാമ്പയിന് നേതൃത്വം നൽകിയ ഇസ്മാഈൽ പൊന്മള, നൗഷാദ് കണിയേരി എന്നിവർക്ക് സമ്മാനങ്ങൾ നൽകി.
പരിപാടിക്ക് മണ്ഡലം കെ.എം.സി.സി ഭാരവാഹികളായ അബൂബക്കർ സി.കെ. പാറ, മൊയ്‌ദീൻ കുട്ടി പൂവ്വാട്, ജലീൽ വളാഞ്ചേരി, മജീദ് ബാവ തലകാപ്പ്, ജംഷീദ് കൊടുമുടി, ഷുഹൈബ് മന്നാനി കാർത്തല, ഫൈസൽ എടയൂർ, ഫർഹാൻ കാടാമ്പുഴ, ഇസ്മാഈൽ പൊന്മള, സിറാജ് അടാട്ടിൽ, നിസാർ പറശ്ശേരി, ഫാറൂഖ് പൊന്മള, നൗഷാദ് കണിയേരി, ഇല്യാസ് ചൂനൂർ, ഹുസൈൻ പാല, മുനീർ പുളിക്കൽ, മുഹമ്മദ്‌ കല്ലിങ്ങൽ തുടങ്ങിയവർ നേതൃത്വം നൽകി. ജനറൽ സെക്രട്ടറി അഷ്‌റഫ്‌ പുറമണ്ണൂർ സ്വാഗതവും ട്രഷറർ അബ്ദുൽ ഗഫൂർ കൊന്നക്കാട്ടിൽ നന്ദിയും പറഞ്ഞു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
