ക​ണ്ണൂ​ർ അ​ർ​ബ​ൻ നി​ധി നിക്ഷേപത​ട്ടി​പ്പ്: അ​ഞ്ച് ജി​ല്ല​ക​ളി​ൽ ഇ.​ഡി പ​രി​ശോ​ധ​ന

കൊ​ച്ചി: ക​ണ്ണൂ​ർ അ​ർ​ബ​ൻ നി​ധി ധ​ന​കാ​ര്യ സ്ഥാ​പ​ന​വു​മാ​യി ബ​ന്ധ​പ്പെ​ട്ട ത​ട്ടി​പ്പു കേ​സി​ൽ അ​ഞ്ച് ജി​ല്ല​ക​ളി​ൽ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​ന്റെ (ഇ.​ഡി) റെ​യ്ഡ്. ക​ണ്ണൂ​ർ, കോ​ഴി​ക്കോ​ട്, തൃ​ശൂ​ർ, പാ​ല​ക്കാ​ട്, മ​ല​പ്പു​റം ജി​ല്ല​ക​ളി​ലാ​ണ് പ​രി​ശോ​ധ​ന. സ്ഥാ​പ​ന​ങ്ങ​ളി​ലും സ്ഥാ​പ​ന​വു​മാ​യി ഇ​ട​പാ​ടു​ള്ള വ്യ​ക്തി​ക​ളു​മാ​യി ബ​ന്ധ​പ്പെ​ട്ടി​ട​ങ്ങ​ളി​ലും ഒ​രേ​സ​മ​യം​ പ​രി​ശോ​ധ​ന ന​ട​ന്നു.

അ​ർ​ബ​ൻ നി​ധി ലി​മി​റ്റ​ഡി​ന്റെ സ​ഹോ​ദ​ര സ്ഥാ​പ​ന​മാ​യ എ​നി ടൈം ​മ​ണി​യു​ടെ ഡ​യ​റ​ക്ട​ർ​മാ​രാ​യ വൈ​ല​ത്തൂ​രി​ലെ, തൃ​ശൂ​ർ ജി​ല്ല​യി​ലെ വെ​ള്ള​റ സ​ണ്ണി​യു​ടെ വീ​ട്ടി​ലും വ​ര​വൂ​ർ പ​ഞ്ചാ​യ​ത്ത്​ ഓ​ഫി​സി​ന് സ​മീ​പം കു​ന്ന​ത്ത്പീ​ടി​ക​യി​ൽ കെ.​എം. അ​ബ്ദു​ൽ​ഗ​ഫൂ​റി​​ന്റെ വീ​ട്ടി​ലും ച​ങ്ങ​രം​കു​ളം കാ​ഞ്ഞി​യൂ​ർ മേ​ലേ​പ്പാ​ട്ട് ഷൗ​ക്ക​ത്തി​ന്റെ വീ​ട്ടി​ലും സം​ഘം പ​രി​ശോ​ധ​ന ന​ട​ത്തി.

തി​ങ്ക​ളാ​ഴ്ച രാ​വി​ലെ വീ​ട്ടി​ലെ​ത്തി​യ സം​ഘ​ത്തി​ന്റെ പ​രി​ശോ​ധ​ന മ​ണി​ക്കൂ​റു​ക​ൾ നീ​ണ്ടു​നി​ന്നു. . സ​ണ്ണി​യു​ടെ മ​ക​ൻ ആ​ന്റ​ണി​യു​ടെ (45) പ​ണ​മി​ട​പാ​ടി​ന്റെ സ്രോ​ത​സ്സ് തേ​ടി​യാ​ണ് സം​ഘം വൈ​ല​ത്തൂ​രി​ലെ​ത്തി​യ​ത്. സാ​മ്പ​ത്തി​ക ക്ര​മ​ക്കേ​ട് ആ​രോ​പി​ച്ച് 10 മാ​സം മു​മ്പ് ആ​ന്റ​ണി​യെ ക​ണ്ണൂ​ർ ടൗ​ൺ പൊ​ലീ​സ് അ​റ​സ്റ്റു ചെ​യ്തി​രു​ന്നു. നി​ല​വി​ൽ ജാ​മ്യ​ത്തി​ലാ​ണ്. കെ.​എം. അ​ബ്ദു​ൾ ഗ​ഫൂ​ർ നി​ര​വ​ധി സാ​മ്പ​ത്തി​ക ത​ട്ടി​പ്പ് കേ​സു​ക​ളി​ൽ പ്ര​തി​യാ​ണ്. എ​റ​ണാ​കു​ള​ത്തു​നി​ന്നെ​ത്തി​യ ഉ​ദ്യോ​ഗ​സ്ഥ​രാ​ണ് റെ​യ്ഡ് ന​ട​ത്തി​യ​ത്. ശ​ക്ത​മാ​യ സു​ര​ക്ഷ ഒ​രു​ക്കി​യി​രു​ന്നു. കേ​സി​ൽ ക്രൈം​ബ്രാ‍ഞ്ച് സാ​മ്പ​ത്തി​ക കു​റ്റാ​ന്വേ​ഷ​ണ വി​ഭാ​ഗ​ത്തി​ന്‍റെ അ​ന്വേ​ഷ​ണം പു​രോ​ഗ​മി​ക്കു​ന്ന​തി​നി​ടെ​യാ​ണ് ഇ.​ഡി​യു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ക്കു​ന്ന​ത്.

read also…കണ്ടല സഹകരണ ബാങ്ക് തട്ടിപ്പ് കേസില്‍ ഭാസുരാംഗന്റെ ജാമ്യാപേക്ഷ പിഎംഎല്‍എ കോടതി തള്ളി

ക​ണ്ണൂ​ർ കേ​ന്ദ്ര​മാ​യ അ​ർ​ബ​ൻ നി​ധി, അ​നു​ബ​ന്ധ സ്ഥാ​പ​ന​മാ​യ എ​നി​ടൈം മ​ണി എ​ന്നീ സ്ഥാ​പ​ന​ങ്ങ​ൾ​ക്കെ​തി​രെ 150ഓ​ളം പ​രാ​തി​ക​ളാ​ണ് നേ​ര​ത്തെ ല​ഭി​ച്ച​ത്. ഇ​തി​ൽ 23 കേ​സു​ക​ളാ​ണ് ക്രൈം​ബ്രാ​ഞ്ച് സാ​മ്പ​ത്തി​ക കു​റ്റാ​ന്വേ​ഷ​ണ വി​ഭാ​ഗ​ത്തി​ന് കൈ​മാ​റി​യ​ത്. ക​ണ്ണൂ​ര്‍ സി​റ്റി ടൗ​ണ്‍ പൊ​ലീ​സ് സ്റ്റേ​ഷ​നി​ല്‍ ര​ജി​സ്റ്റ​ര്‍ ചെ​യ്ത 23 ക്രൈം ​കേ​സു​ക​ളാ​ണി​വ. ക​ള്ള​പ്പ​ണം വെ​ളു​പ്പി​ക്ക​ൽ അ​ട​ക്കം ന​ട​ന്നെ​ന്ന നി​ഗ​മ​ന​ത്തി​ലാ​ണ്​ ഇ.​ഡി നീ​ക്കം.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു